Page Text
________________
महानिसीह-सुय-खधं अ.३
[३४] (१) 'से भयवं ! पभूयं कालाइक्कम एयं, (२) जई कदाइ अवंतराले पंचत्तमुवगच्छेज्जा, तओ नमोक्कार 'विरहिए कहमुत्तिमढें साहेज्जा' ? गोयमा ! जं समयं चेव सुत्तोवयारनिमित्तेणं असढ-भावत्ताए जहा-सत्तीए किंचि तवमारभेज्जा, तं समयमेव तमहीय-सुत्तत्थोभयं दट्ठव्वं । जओ णं सो तं पंच-नमोक्कारं सुत्तत्थोभयं ण अविहीए गेण्हे, किंतु तहा गेण्हे जहा भवंतरेसुं पि ण विप्पणस्से, एयज्झवसायत्ताए आराहगो भवेज्जा।
(१) से भयवं! जेण उण अण्णेसिमहीयमाणाणं सुयायवरणक्खओवसमेणं कण्ण-हाडित्तणेणं पंचमंगल-महीयं भवेज्जा, से वि उ किं तवोवहाणं करेज्जा ? (२) गोयमा! करेज्जा ? (३) से भय ! केणं अटेणं ? गोयमा ! सुलभ-बोहि-लाभ-निमित्तेणं ।
एवं चेयाइं अकुव्वमाणे नाणकुसीले णेए। तहा गोयमा ! णं पव्वज्जा दिवसप्पभिईए जहुत्त-विहिणो वहाणेणं जे केई साहू वा साहुणी वा अपुव्व-नाण-गहणं न कुज्जा, तस्सासई चिराहीयं सुत्तत्थोभयं सरमाणे एगग्ग-चित्ते पढम-चरम-पोरिसीसु दिया राओ य णाणु गुणेज्जा, से णं गोयमा ! नाण-कुसीले णेए।
से भयवं! जस्स अइगरुय-णाणावरणोदएणं अहन्निसं पहोसेमाणस्स संवच्छरेणा वि सिलोगबद्धमवि णो थिरपरिचियं भवेज्जा ? से किं कुज्जा ? गोयमा ! तेणा वि जावज्जीवाभिग्गहेणं सज्झाय-सीलाणं वेयावच्चं, तहा अणुदिणं अड्डाइज्जे सहस्से [२५००] पंच मंगलाणं सुत्तत्थोभए सरमाणेगग्ग-माणसे पहोसेज्जा।
[३८] (१) से भयवं ! केणं अटेणं ? गोयमा ! जे भिक्खू जावज्जीवाभिग्गहेणं चाउक्कालियं वायणाइ जहा सत्तीए सज्झायं न करेज्जा, सेणं णाण-कुसीले णेए। अण्णं च-जे केई जावज्जीवाभिग्गहेण अपुव्वं, नाणाहिगमं करेज्जा, तस्सासतीए पुव्वाहियं गुणेज्जा, तस्सावियासतीए पंचमंगलाणं अड्वाइज्जे सहस्से परावत्ते, से भि आराहगे । तं च नाणावरणं खवेत्तु णं तित्थयरे इ वा गणहरे इ वा भवेत्ता णं सिज्झेज्जा। (१) से भयवं! केण अट्टेणं एवं वुच्चइ, जहा णं चाउक्कालियं सज्झायं कायव्वं ? गोयमा !
मण-वई-कायाउत्तो नाणावरणं च खवइ अणुसमयं। सज्झाए वढ्तो खणे खणे जाइ वेरग्गं ॥१११॥ उड्डमहे तिरियम्मि य जोइस-वेमाणिया य सिद्धी य। सव्वो लोगालोगो° सज्झाय-विउस्स पच्चक्खो" ॥११२॥ दुवालस-विहम्मि वि तवे सब्भिंतर-बाहिरे कुसल-दिढे । ण वि अत्थि ण वि य होही सज्झाय-समं तवो-कम्मं ॥११३।। एग-दु-ति-मास-खमणं संवच्छरमवि य अणसिओ होज्जा। सज्झाय-झाण २-रहिओ एगोवासप्फलं पि ण लभेज्जा ॥११४।। उग्गम-उप्पायण-एसणाहिं सुद्धं तु निच्च भुंजंतो। जइ तिविहेणाऽउत्तो अणुसमय-भवेज्ज सज्झाए ॥११५॥
१ जइ कहाइ शु. । २ सयिं चिं आ. सु. सं. ला. । ३ गयमा खं. । ४ से वि आ आ. । ५ वेत्ता णं आ. सं । ६ मण वयणकायगुत्तो
आ. सु. । ७ या गुत्तो खं. सं. ला. । ८ नाणावरणं खवेइ आ. सु. । ९ सिद्धाय खं । १० सव्व लोगा लोगं खं । ११ पच्चक्खं सं विना। १२ झाइर आ. सु. खं।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |