Page Text
________________
महानिसीह-सुय-खंधं
तम्हा जं इंदेहिं वि कंखिज्जइ एग-बद्ध-लक्खेहिं । अइसाणुराय-हियएहिं, उत्तमं तं, न संदेहो ॥३२॥ ता सयल-देव-दाणव-गह-रिक्ख-सुरिद-चंदमादीणं तित्थयरे पुज्जयरे, ते च्चिय पावं पणासेंति ॥३३॥
[१६] तेसि य तिलोग-महियाण धम्मतित्थंकराण जग-गुरूणं । भावच्चण-दव्वच्चण-भेदेण दुहऽच्चणं भणियं ॥३४|| भावच्चण-चारित्ताणुट्ठाण-कटुग्ग-घोर-तव-चरणं । दव्वच्चणविरयाविरय-सील-पूया-सक्कार-दाणादी ॥३५।। ता गोयमा! णं एसेऽत्थ परमत्थे! तं जहाभावच्चणमुग्ग-विहारया य, दव्वच्चणं तु जिण-पूया । पढमा जतीण, दोण्णि वि गिहीण, पढम च्चिय पसत्था ॥३६।।
[१७] (१) एत्थं च गोयमा ! केई अमुणिय -समय-सब्भावे, ओसण्ण-विहारी, णीयवासिणो, अदिट्ठ-परलोगपच्चवाए२ सयंमती. इडि-रस-साय-गारवाइमच्छिए. राग-दोस-मोहाहंकार-ममीकाराइस पडिबद्धे. (२) कसिण संजम-सद्धम्म-परम्मुहे, निद्दय-नित्तिंस-निग्घिण-अकुलण-निक्किवे, पावायरणेक्क-अभिनिविट्ठ-बुद्धी, एगंतेणं अइचंड-रोद्द-कूराभिग्गहिय-मिच्छ-द्दिट्ठिणो, (३) कय-सव्व-सावज्ज-जोग-पच्चक्खाणे, विप्पमुक्कासेस-संगारंभ परिगहे, तिविहं तिविहेणं पडिवण्ण-सामाइए य दव्वत्ताए न भावत्ताए, णाम-मेत्तमुंडे, अणगारे महव्वयधारी समणे वि भवित्ता णं एवं मण्णमाणे, सव्वहा उम्मग्गं पवत्तंति, (४) जहा'-किल ‘अम्हे अरहंताणं भगवंताणं गंध-मल्ल-पदीव-सम्मज्जणोवलेवण-विचित्त-वत्थ-बलि-धूयाई-तेहिं पूया-सक्कारेहिं अणुदियहमब्भच्चणं पकुव्वाणा तित्थुच्छप्पणं करेमो,' (५) तं च [वायाए वि ] णो णं तह' त्ति गोयमा ! समणुजाणेज्जा।
[१८] (१) से भयवं ! केणं अटेणं एवं वुच्चइ, जहा णं तं च णो णं 'तह त्ति समणुजाणेज्जा ? (२) गोयमा! तयत्थाणुसारेणंअसंजम-बाहुलं, असंजम-बाहुल्लेणं च थूलं कम्मासवं, थूल-कम्मासवाओ य अज्झवसायं पडच्चा थलेयर-सहासह-कम्मपयडी-बंधो सव्व-सावज्ज-विरयाणं च वय-भंगो, (३) वय-भंगेणं च आणाइक्कमें, आणाइक्कमेणं तु उम्मग्ग-गामित्तं, उम्मग्ग-गामित्तेणं च सम्मग्ग-विप्पलोयणं', उम्मग्ग-पवत्तणं, [च] (४) सम्मग्ग-विप्पलोयणेणं' [उम्मग्ग-पवत्तणेणं] च जतीणं महती आसायणा, तओ य अणंत-संसाराहिंडणं, (५) एएणं अटेणं गोयमा ! एवं वुच्चइ-जहा णं गोयमा ! णो णं तं तह त्ति समणुजाणेज्जा।
___ [१९] दव्वत्थवाओ भावत्थयं तु, दव्वत्थ[वा]ओ बहु गुणो भवउ तम्हा। अबुहजणे बुद्धीयं, छक्कायहियं तु गोयमाऽणुढे ॥३७॥ अकसिण-पवत्तगाणं विरयाऽविरयाण एस खलु जुत्तो। जे कसिण-संजमविऊ पुप्फादीयं न कप्पए तेसिं [तु] ॥ ३८।। किं मण्णे गोयमा ! एस बत्तीसिंदाणु चिट्ठिए । जम्हा, तम्हा उ उभयं पि अणुढेज्जेत्थ नु बुज्झसी २ ॥३९।।
१“य ससम सं. | २ "वायए ला. | ३ ति तहा कि रवं. सं. ला. | ४ धूवाइएहिं आ. सु. सं. । ५ मा ! तं वायाए वि णो णं 'तह' त्ति सम आ. सु. । ६ "सारे णं असंजमबाहुल्लेणं आ. सु. रवं. सं. ला. । ७ च मूलं आ. सु. ला. । ८ मूल आ. सू. ला. । ९ "क्कम आ शु. । १० लोवणं आ. सु. । ११ लोवणे आ. सु. । १२ °णु ट्ठिए सं. शु. / णु ट्ठिए सं. शु. । १३ त्थं न बुज्झ शु.।
...
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |