Page Text
________________
महानिसीह-सुय-खंधं अ.३
उवउत्ते, विहिणा सर-वंजण-मत्ता-बिंदु-पयक्खर-विसुद्ध-दुवालसंग-सुय-णाणज्झयण-ज्झावणेणं परमप्पणो य मोक्खोवायं ज्झायंति त्ति ‘उवज्झाए' । (१८) थिर-परिचियमणंत-गम-पज्जवत्थेहिं वा दुवालसंग सुयणाणं चिंतंति अणुसरंति, एगग्ग'-माणसा झायंति त्ति वा ‘उवज्झाए' । (१९) एवमेते हि अणेगहा पण्णविज्जति। (२०) तहा-अच्चंत-कट्ठ-उग्गुग्गयर-घोरतव-चरणाइ-अणेगवय-नियमोववास-नानाभिग्गह-विसेस -संजमपरिवालण-सम्म-परिसहोवसग्गाहियासणेणं सव्व-दुक्ख-विमोक्खं मोक्खं साहयंति त्ति 'साहो' । (२१) अयमेव इमाए चूलाए भाविज्जइ (२२) एतेसिं नमोक्कारो।
_ [१०] एसो' पंच नमोक्कारो किं करेज्जा ? (२) सव्वं पावं णाणावरणीयादि-कम्म-विसेसं तं पयरिसेणं दिसोदिसं णासयइ ‘सव्व-पाव-प्पणासणो' । (३) एस चूलाए पढमो उद्देसओ। एसो पंच नमोक्कारो सव्व-पाव-प्पणासणो। (४) किं विहेउ ? मंगो निव्वाण-सुह-साहणेक्क-खमो सम्म-इंसणाइ आराहओ अहिंसा-लक्खणो धम्मो, तं मे लाएज्ज त्ति ‘मंगलं (६) ममं भवाओ संसाराओ गलेज्जा तारेज्जा वा ‘मंगलं'। (७) बद्ध-पुट्ठनिकाइय-टुप्पगार-कम्म-रासिं मे गालेज्जा विलेज्जे त्ति वा 'मंगलं (८) एएसिं मंगलाणं अण्णेसिं च मंगलाणं सव्वेसिं । (९) किं ? पढम आदीए अरहंताईणं थुई चेव हवइ मंगलं ति ।
(१) एस समासत्थो वित्थरत्थं तु इमं । तं जहा- (२) ते णं काले णं ते णं समए णं गोयमा! जे केइ पुव्विं वावण्णिय-सद्दत्थे अरहते भगवंते धम्म-तित्थकरे भवेज्जा, से णं परमपुज्जाणं पि पुज्जयरे भवेज्जा, जओ णं ते सव्वे वि एयलक्खण-समण्णिए भवेज्जा । तं जहा- (३) अचिंत-अप्पमेय-णिरुवमाणण्णसरिस-पवर-वरुत्तम-गुणोहाहिट्ठियत्तेणं तिण्हं पि लोगाणं संजणिय-गरुय-महंत-माणसाणंदे । (४) तहा य जम्मंतर-संचिय-गरुय-पुण्ण-पब्भार-संविढत्त-तित्थयर-णाम-कम्मोदएणं दीहर-गिम्हायव-संताव-किलंतसिहि-उलाणं वा पढम-पाउस-धारा-भर-वरिसंत-घण-संघायमिव परम-हिओवएस-पयाणाइणा घण-रागदोस-मोह-मिच्छत्ताविरति-पमाय-दट्ट-किलिदज्झवसायाइ-समन्जियासह-घोर-पावकम्मायव-संतान णिण्णासगे भव्व-सत्ताणं । (५) अणेग-जम्मंतर-संविढत्त-गरुय-पुण्ण-पब्भाराइसय-बलेणं समज्जियाउल बल-वीरिए सरियं-सत्त-परक्कमाहिट्ठियतणू। (६) सुकंत-दित्त-चारु-पायंगुट्टाग-रूवाइसएणंसयल-गह-णक्खत्तचंदपंतीणं, सूरिए इव पयड पयाव-दस-दिसि-पयास-विप्फुरंत-किरण-पन्भारेण णिय-तेयसा विच्छायगे सयल सविज्जाहर-णरामराणं, सदेव-दाणविंदाणं सुरलोगाणं । (७) सोहग्ग-कंति-दित्ति-लावण्णरूव-समुदय-सिरिए, साहाविय-कम्मक्खय-जणिय-दिव्वकय-पवर-निरुवमाणण्ण-सरिस-विसेस साइसयाइसयसयल कला-कलाव-विच्छड्डपरिदसणेणं । (८) भवणवइ-वाणमंतर-जोइस-वेमाणियाहमिंद-सइंदच्छरासकिण्णर-णर-विज्जाहरस्स ससुरासुरस्सा वि णं जगस्स। (९) अहो ! अहो !! अहो !!! अज्ज अदिठ्ठपुव्वं दिट्ठमम्हेहिं ! इणमो सविसेसाउल-महंताचिंत-परमच्छेरय-संदोहं सम-गाल ४ मेवेगट्ठसमुइयं दिलु ति (१०) तक्खणुप्पन्न-घण-निरंतर-बहलमप्पमेयाचिंत-अंतोसहरिस-पीयाणुरायवस६-पवियंभंताणु समय-अहिणवाहिणव-परिणाम-विसेसत्तेणं; (११) 'मह मह महं !' ति जंपिर-परोप्पराणं विसायमुवगयं, ‘ह ! ह! ह ! धी धिरत्थु ! अधण्णा अपुण्णा वयं !' इइ णिंदिर-अत्ताणगम (१२) णंतर-संखुहिय-हियय-मुच्छिर-सुलद्ध-चेयण सुण्ण-वुण्ण-सिढिलिय-सगत्त-आउंचण-पसारणा-उम्मेस-निमेसाइ-सारिरिय-वावार-मुक्क-केवलं (१३) अणो
१ 'गमणसा आ. सु. रवं. ला. । २ह विवेग सं सं. । ३ एस वं. ला. । ४ "विहो उ ? मंगो आ. सु. । ५ "सुसाह वं. सं. ला.। ६ मंगलममंगल भावाओ सं. सं. । ७ गमेज्जा वं. सं. ला। ८ ताणं थु. आ. सु. वं. ला. सं. । ९ पमाणा रवं. १-२-३ । १० णं सव्वत्रू अणे आ. स.। ११ °णप्पसारेणं । १२ सयलाणं वि. आ. स. / सयलग्ग वि. वं. सं. ल. । १३ य लक्खणकला आ./य कला रवं. सय कला शु.। १४ समग्गल आ. सु. ला. । १५ 'मेयचिंता अंतो रवं, मेया चिंतयंतो आ. सु। १६ य विइए प. सं.।
Jain Education International
For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |