Page Text
________________
महानिसीह-सुय-खंधं
'एसो पंचनमोक्कारो सव्व-पाव-प्पणासणो।
मंगलाणं च सव्वेसिं पढमं हवइ मंगलं' ॥ इति 'चूलं ति छट्ठ-सत्तम-ट्ठम-दिणे तेणेव कम-विभागेण आयंबिलेहिं अहिज्जेयव्वं (७) एवमेयं पंचमंगलमहा-सुयक्खधं सर-वत्तय-रहियं पयक्खर-बिंदु-मत्ता-विसुद्धं गुरु-गुणोववेय-गुरुवइटुं कसिणमहिज्जित्ताणं तहा कायव्वं जहा पुव्वाणुपुव्वीए पच्छाणुपुव्वीए अणाणुपुव्वीए जीहगे तरेज्जा। (८) तओ तेणेवाणंतरभणिय-तिहिकरण-मुहुत्त-णक्रवत्त-जोग-लग्ग-ससी-क्ल-जंतु-विरहिओगासे' चेइयाल-गाइकमेणं (९) अट्ठम-भत्तेणं समणुजाणाविऊणं गोयमा! महया पबंधेण सुपरिफुडं निउणं असंदिद्धं सुत्तत्थं अणेगहा सोऊण अवधारेयव्वं । (१०) एयाए विहीए पंचमंगलस्स णं गोयमा ! विणओवहाणे कायव्वे ।
[८] (१) से भयवं! किमेयस्स अचिंत-चिंतामणि-कप्प-भूयस्स णं पंचमंगल-महासुयक्खंधस्स सुत्तत्थं पण्णत्तं? गोयमा ! (२) इयं एयस्स अचिंत-चिंतामणी-कप्प-भूयस्स णं पंचमंगल-महासुयक्खंधस्स णं सुत्तत्थं-पण्णत्तं (३) तं जहा-जे णं एस पंचमंगल-महासुयक्खंधे से णं सयलागमंतरों ववत्ती तिल-तेल-कमल-मयरंद-व्व सव्वलोए पंचत्थिकायमिव, (४) जहत्थ किरियाणुगय-सब्भूय-गुणुक्कित्तणे, जहिच्छिय-फल-पसाहगे चेव परम-थुइवाए (५) 'से य परमथुई केसिं कायव्वा ? 'सव्व-जगुत्तमाणं । (६) सव्व-जगुत्तमुत्तमे य जे केई भूए, जे केई भविंसु, जे केई भविस्संति, ते सव्वे चेव अरहंतादओ चेव णो णमण्णे त्ति । (७) ते य पंचहा १ अरहते, २ सिद्धे, ३ आयरिए, ४ उवज्झाए, ५ साहवो य ।
[९] (१) तत्थ एएसिं चेव गन्भत्थ-सब्भावो इमो । (२) तं जहा-स-नरामरासुरस्स णं सव्वस्सेव जगस्स अट्ठ-महा-पाडिहेराइ-पूयाइसओवलक्खियं, अणण्ण-सरिसमचिंतमप्पमेयं केवलाहिट्ठियं पवरुत्तमत्तं अरहंति त्ति अरहंता' । (३) असेस-कम्म-क्खएणं निद्दड्ड-भवंकुरत्ताओण पुणेह भवंति जम्म' ति उववज्जंति वा अरुहंता' वा, (४) णिम्महिय णिहय-णिद्दलिय-विलूय२-णिट्ठविय-अभिभूय-सुदुज्जयासेस-अट्ठ- पयारकम्मरिउत्ताओ वा अरि-हते' इवा। (५) एवमेते अणेगहा पण्णविज्जंति, परुविजंति, आघविज्जंति, पट्टविज्जंति, दंसिज्जंति, उवदंसिज्जति । (६) तहा-सिद्धाणि परमाणंद-महूसव महकल्लाण-निरूवम-सोक्खाणि, णिप्पकंप-सुक्क ज्झाणाइअचिंत-सत्ति-सामत्थओ सजीववीरिएयं जोग-निरोहाइणा मह-पयत्तेणित्ति 'सिद्धा' । (७) अट्ठ-प्पयार- कम्मक्खएण वा सिद्धं सज्झमेतेसिं ति 'सिद्धा' । (८) सिय-माज्झायमेसिमिति वा 'सिद्धा, (९) सिद्धे निट्ठिए पहीणे सयल-पओयण-वाय-कयंबमेतेसिमिति वा 'सिद्धा' । (१०) एवमेते इत्थी-पुरिस-नपुंस-सलिंग-अण्णलिंग-गिहिलिंग-पत्तेय बुद्ध-[बुद्ध] बोहिय-जावणं कम्म-क्खय-सिद्धा य" भेदेहि णं अणेगहा पण्णविज्जंति। (११) तहा-अट्ठारस-सीलंग-सहस्साहिट्ठिय-तणू छत्तीसइविहमायारं जह-ट्ठियमगिलाए'६-महण्णिसाणुसमयं आयरंति पवत्तयंति त्ति 'आयरिया' । (१२) परमप्पणो य हियमायरंति त्ति 'आयरिया' (१३) भव्व सत्तसीस-गणाणं वा हियमायरंति 'आयरिया' । (१४) पाण-परिच्चाए वि उ पुढवादीणं समारंभंणायरंति णायरंभंति, णाणुजाणंति वा 'आयरिया' (१५) सुमहावरद्ध वि ण कस्सई मणसा वि पावमायरंति त्ति वा 'आयरिया' । (१६) एवमेते णाम-ठवणादीहिं अणेगहा पण्णविज्जति। (१७) तहा-सुसंवुडासव-दारे-मणो-वइ-काय-जोगत्त
१ सरवत्र पयसाहियं ला. रवं. २ सरवनयरहियं सं. रवं. । २ ओगास चेइ. रवं. २ । ३ हाणो कायव्वो आ. सु. । ४ मा ! एमाइयं आ./मा ! इमाइयं सु., मा इयमाइयं रवं. २ सं. । ५ रोवत्ति शु. । ६ गुणकित्त आ. सु. सं. ला. । ७ मण्णं ति ला. । ८ "त्थ संभवो ला.। ९ "तमाहप्प के आ. । १० त्तमं भ आ. सु. । ११ णिय रवं.। १२ विलीयं आ. । १३ रोहणा इम ला. । १४ लिंग-बुद्धबो. ला.। १५ द्धाइ भेएहिं आ. सु. सं. | १६ ए अह इ आ सु. । १७ सव्व सत्त स्स सीसा आ. सु. । १८ सीसगाणं वा सं. । १९ सुहमव आ.
सु. सुमाव रवं. सं. ला.। Jain Education International For Private & Personal Use Only
www.jainelibrary.org
| SR No. | 001149 |
| Book Title | Agam 39 Chhed 06 Mahanishith Sutra |
| Original Sutra Author | N/A |
| Author | Punyavijay, Rupendrakumar Pagariya, Dalsukh Malvania, H C Bhayani |
| Publisher | Prakrit Granth Parishad |
| Publication Year | 1994 |
| Total Pages | 284 |
| Language | Prakrit |
| Classification | Book_Devnagari, Agam, Canon, Ethics, & agam_mahanishith |
| File Size | 19 MB |