________________
महानिसीह-सुय-खंधं
३७
तिविहं तिविहेणं समणेहिं सव्व-सावज्जमुज्झियं । जावज्जीवं वयं घोरं पडिवज्जियं मोक्ख-साहणं ॥१८२।। दुविहेग-विहं तिविहं वा थूलं सावज्जमुज्झियं । उद्दिट्ठ-कालियं तु वयं देसेण न संवसे गारत्थीहिं ॥१८३।। तहेव तिविहं तिविहेणं इच्छारंभं-परिगह। वोसिरंति अणगारे जिणलिगं तु धरेंति ते ॥१८४।। इयरे उणं अणुज्झित्ता इच्छारंभ-परिग्गहं । सदाराभिरए स गिही जिण-लिंगं तु पूयए न धारयं ति ॥१८५।। तो गोयमेग-देसस्स पडिक्कते गारत्थे भवे। तं वयमणुपालयंताणं नो सिं आसायणं भवे ॥१८६।। जे पुण सव्वस्स पडिक्कते धारे पंच-महव्वए। जिणलिंगं तु समुव्वहइ तं तिगं नो विवज्जए ॥१८७।। तो महयासायणं तेसिं इत्थि-गी-आउ-सेवणे। अणंतणाणी जिणे जम्हा एवं मणसा वि णाऽभिलसे ॥१८८।। ता गोयमा ! सहियएणं एवं वीमंसिउं दढं। विभावय जइ बंधेज्जा गिहि णो उ अबोहिलाभियं ॥१८९।। संजए पुण निबंधेज्जा एयाहिं हेऊहिं य । आणाइक्कम-वय-भंगा तह उम्मग्ग-पवत्तणा ॥१९०॥ मेहुणं चायुकायं च तेउकायं तहेव य । हवइ तम्हा तितयं ति जत्तेणं वज्जेज्जा सव्वहा मुणी ॥१९१।। । जे चरते व पच्छित्तं मणेणं संकिलिस्सए। जह भणियं वाहणाणुढे निरयं सो तेण वच्चए ॥१९२।।
भयवं! मंदसद्धेहिं पायच्छित्तं ण कीरई। अह काहिंति किलिट्ठ-मणे तो अणुकंप विरुज्झए ? ।।१९३।। नारायादीहिं संगामे गोयमा ! सल्लिए नरे। सल्लद्धरणे भवे दुक्खं नाणुकंपा विरुज्झए ॥१९४|| एवं संसार-संगामे अंगोवंगत-बाहिरं । भाव-सल्लद्धरिताणं अणुकंपा अणोवमा ॥१९५।।
[३३] भयवं! सल्लम्मि देहत्थे दुक्खिए होंति पाणिणो। जं समयं निप्फिडे सल्लं तक्खणा सो सुही भवे ॥१९६।। एवं तित्थयरे सिद्धे साहू-धम्मं विवंचिउं । जमकज्जं कयं तेणं निसिरिएणं सुही भवे ? ॥१९७।।
१ सव्वसे रवं. । २ मा ! साहियं एवं रवं. २/ "यएयं ए सं. । ३ न अरवं. २ । ४ भंगो तह ला. । ५ हवइ ति रवं. २ सं । ६ वुच्चइ रवं. ला. सं. । ७ ताणुकंपं सा.। ८ नाणुकंप सं. नोऽणुकंप सं. १ ९ झाणं रवं.।'
Jain Education International
For Private & Personal Use Only
www.jainelibrary.org
