________________
पढमे अज्झयणे सत्तमो उद्देसओ। ५८. तत्थ खलु भगवता परिण्णा पवेदिता-इमस्स चेव जीवियस्स परिवंदण-माणण-पूयणाए जाती-मरण-मायणाए दुक्खपडिघातहेतुं से सयमेव वाउसत्थं समारभति, अण्णेहिं वा वाउसत्थं समारभावेति, अण्णे वा वाउसत्थं समारंभंते समणुजाणति । तं से अहियाए, तं से अबोधीए ।
५९. “से तं संबुज्झमाणे आयाणीयं समुट्ठाए सोचा भगवतो अणगारांणं ५ इहमेगेसिं गातं भवति–एस खलु गंथे, एस खलु मोहे, एस खलु मारे, एस खलु णिरए ।
इच्चत्थं गढिए लोगे, जमिणं विरूवरूवेहिं सत्थेहिं वाउकम्मसमारंभेणं वाउसत्थं समारभमाणे अण्णे वऽणेगरूवे पाणे विहिंसति ।
६०. से बेमि-संति संपाइमा पाणा आहच्च संपतंति य । फरिसं च खलु पुट्ठा एगे संघायमावजंति । जे तत्थ संघायमावति ते तत्थ परियाविनंति । जे तत्थ परियाविनंति ते तत्थ उद्दायंति।
एत्थ सत्थं समारभमाणस्स इच्छेते आरंभा अपरिण्णाता भवंति । एत्थ सत्थं असमारभमाणस्स इचेते आरंभा परिण्णाता भवंति ।
६१. तं परिण्णाय मेहावी णेव सयं वाउसत्थं समारभेजा, णेवऽण्णेहिं वाउ- १५ सत्थं समारंभावेजा, “णेवऽण्णे वाउसत्थं समारंभंते समणुजाणेजा।
जस्सेते वाउसत्थसमारंभा परिणाया भवंति से हु मुणी परिण्णायकम्मे "त्ति बेमि।
१. परियंदण खे० सं०॥ २. इ० विना-जाइ' खे० सं०। जाति जै०। जाई अन्यत्र ॥ ३. भोयणाए खे० जैमू० सं०॥ ४. रंभा हे १, २, ३. ला०॥ ५. रंभंते हे १, ३. ला०॥ ६. तं सेऽहियाए सेऽबोहीए सं० । तं से अहियाए से अबोधीए खं०॥ ७. से तं सं० हे १॥ ८. ट्राय खं० ला०॥ ९. राणं वा इह हे २, ३। राणं वा अंतिए इह हे १। राणं वा अंतिए इसं०॥ १०. दृश्यतां चतुर्थोद्देशके सू० ३७॥ ११. परिताविजंति खं०। परियावजंति इ०। दृश्यता सू० ३७॥ १२. एवं असमा हे २. खं० शां० सं०। असमा० खे० जै०। एत्थ..."भवंति नास्ति हे १,३. ला॥ १३. रंभा हे १, २. ला०॥ १४. वन्नेहिं खे० जै० खं०॥ १५. भंते इ.हे १, ३. ला०॥ १६. ति खं०॥
Jain Education International
For Private & Personal Use Only
www.jainelibrary.org
