________________
१२]
३४९
समवायंगसुत्ते बारसट्ठाणं। सव्वट्ठसिद्धस्स णं महाविमाणस्स उवरिल्लातो थूभियग्गातो दुवालस जोयणाई उड्ढं उप्पतित्ता 'ईसिंपन्भारा नाम पुढवी पण्णत्ता।
ईसिंपन्भाराए णं पुढवीए दुवालस नामधेजा पण्णत्ता, तंजहा-ईसि त्ति वा ईसिपब्भार ति वा तणू ति वा तणुयतरि त्ति वा सिद्धी ति वा सिद्धालए ति वा मुत्ती ति वा मुत्तालए ति वा बंभे ति वा बंभवडेंसगे ति वा लोकपडिपूरणे त्ति वा ५ लोगग्गचूलिआ ति वा।
[२]. इमीसे णं रतणप्पभाए पुढवीए अत्यंगतिआणं नेरइआणं बारस पलिओवमाइं ठिती पण्णत्ता।
पंचमाए पुढवीए अत्यंगतियाणं नेरइयाणं बारस सागरोवमाइं ठिती पण्णत्ता।
असुरकुमाराणं देवाणं अत्थेगतियाणं बारस पलिओवमाई ठिती पण्णत्ता।
सोहम्मीसाणेसु कप्पेसु अत्थेगतियाणं देवाणं बारस पलिओवमाई ठिती पण्णत्ता।
लंतए कप्पे अत्थेगतियाणं देवाणं बारस सागरोवमाई ठिती पण्णत्ता।
[३]. जे देवा महिंदं महिंदज्झयं कंबुं कंबुग्गीवं पुंखं सुपुंखं महापुंखं पुंडं १५ सुपुंडं महापुंडं नरिंदं नरिंदोकंतं नरिंदुत्तरवडेंसगं विमाणं देवत्ताते उववण्णा तेसिं णं देवाणं उक्कोसेणं बारस सागरोवमाइं ठिती पण्णत्ता। तेणं देवा बारसण्हं अद्धमासाणं आणमंति वा पाणमंति वा ऊससंति वा नीससंति वा। तेसि णं देवाणं बारसहिं वाससहस्सेहिं आहारट्टे समुप्पजति ।
[४]. अंत्थेगतिया भवसिद्धिआ जीवा जे बारसहिं भवग्गहणेहिं २० सिस्सिंति जाव अंतं करेस्संति ।
१. उप्पतिता खं० हे २ । उप्पइआ मु० । उप्पित्तिता है । ला २ । २. ईसि खं० जे० T विना । तुला-प्रज्ञापनासूत्रे सू० २११॥ ३. ईसि जे० T विना ॥ ४. इत भारभ्य T मध्ये सर्वत्र 'ति' इति 'इ' इति वा पाठः॥ ५. वा तणूयतरि ति वा सिद्धि ति वा जे०। ६. तणुयरुत्ति हे १ ला २ ॥ ७. सिद्धि त्ति हे २ ला १ मु०॥ ८. त्ति हे २ मु०॥ ९. °वडंसिगे त्ति जे। विडेंसगे ति ला १। वडेसे त्ति खं० हे १, २ ला २॥ १०. पंचमीए मु०॥ ११. नरिंदकते हे २ मु० ॥ १२. संतेगइआ मु०॥ १३. 'रसंति बुज्झिस्संति मुच्चिस्संति परिनिव्वाइस्संति सव्वदुक्खागमतं मु०॥
Jain Education International
For Private & Personal Use Only
www.jainelibrary.org
