________________
३४२
समवायंगसुत्ते नवट्ठाणं।
[सू०९इमीसे णं रतणप्पभाए पुढवीए बहुसमरमणिज्जातो भूमिभागातो नव जोयणसते उड्ढं अबाहाते उवरिल्ले तारारूवे चारं चरति ।
जंबुद्दीवे णं दीवे णवजोयणिया मच्छा पविसिंसु वा ३। विजयस्स णं दारस्स एगमेगाए बाहाए णव णव भोमा पण्णत्ता ।
वाणमंतराणं देवाणं सभाओ सुधम्माओ णव जोयणाई उड्डंउच्चत्तेणं पण्णत्ताओ।
दंसंणावरणिजस्स णं कम्मस्स णव उत्तरपगडीओ पण्णत्ताओ, तंजहाणिद्दा पयला णिहाणिद्दा पयलापयला थीणगिद्धी चक्खुदंसणावरणे अचक्खुदंसणावरणे ओहिदसणावरणे केवलदंसणावरणे ।
[३] इमीसे णं रयणप्पभाए पुढवीए अत्थेगतियाणं नेरइयाणं नव पलिओवमाइं ठिती पण्णत्ता ।
चउत्थीए पुढवीए अत्थेगतियाणं नेरइयाणं नव सागरोवमाई ठिती पण्णत्ता । असुरकुमाराणं देवाणं अत्थेगतियाणं नव पलिओवमाई ठिती पण्णता। सोहम्मीसाणेसु कप्पेसु अत्थेगतियाणं देवाणं नव पलिओवमाई ठिती पण्णता। बंभलोए कप्पे अत्थेगतियाणं देवाणं नव सागरोवमाई ठिती पण्णत्ता ।
[४] जे देवा पम्हं सुपम्हं पम्हावत्तं पम्हप्पमं पम्हकंतं पम्हवण्णं पम्हलेसं जाव पम्हुत्तरवडेंसगं सुजं सुसुजं सुज्जावत्तं सुजप्पभं सुजकंतं जाव सुजुत्तरवडेंसगं रुतिल्लं रुतिल्लावत्तं रुतिल्लप्पभं जाव रुतिल्लुत्तरवडेंसगं विमाणं देवत्ताते उववण्णा तेसि णं देवाणं [उक्कोसेणं?] नव सागरोवमाई ठिती पण्णत्ता। ते णं देवा
१. तुला-स्थानाङ्गे सू० ६७० ॥ २. स्थानाङ्गे सु. ६०१॥ ३. स्थानाङ्गे सू० ६६८॥ ४. थिणद्धी मु० ॥ ५. इत आरभ्य 'इमीसे णं रयणप्पभाए पुढवीए अत्थे णव पलि चउत्थिय (चउत्थी अ हे २) णव साग असुरकुमारा णव पलिओवमा सोहम्मीसाणेसु णव पलिओव बंभलोय क णव साग' ईदृशः संक्षिप्तः पाठो हस्तलिखितादर्शेषु विद्यते। ६. 'जाव' शब्देन पम्हज्झयं पम्हसिंग पम्हसिटुं पम्हकूडं इति ग्राह्यम् । दृश्यतां पृ० ३३२ पं० ४ । लेसं पम्हज्झयं पम्हसिंग पम्हसिटुं पम्हकूडं पम्हुत्तर मु०॥ ७. सुजवित्तं मु० ॥ ८. दृश्यता पृ० ३३२ पं० ४ । कंतं सुजवणं सुजलेसं सुजज्झयं सुज्झसिंग सुज्झसिटुं सुजकूडं सुज्जुत्तर मु० ॥ ९. दृश्यतां पृ० ३३२ पं० ४ । °प्पभं रुइल्लकंतं रुहल्लवण्णं रुइल्ललेसं रुइल्लज्झयं रुइल्लसिंगं रुइल्लसिटुं रुइल्लकूडं रुइल्लुत्तर मु०॥ १०. रुइलुत्तर खं० ॥
Jain Education International
For Private & Personal Use Only
www.jainelibrary.org
