________________
तित्थोगालियप्रकीर्णके विद्यमाना: आगमवाचनादि-विच्छेदसम्बन्धिनः अंशाः ।
कासवगोत्ते णेओ कप्प-व्ववहारसुत्तस्स ॥८१६।। भणिदो दसाण छेदो पन्नरससएहिं होइ वरिसाणं । समणम्मि फग्गुमित्ते गोयमगोत्ते महासत्ते ॥८१७।। भारद्दायसगुत्ते सूयगडंगं महासमणनामे । अगुणव्वीससतेहिं जाही वरिसाण वोच्छित्तिं ॥८१८॥ वरिससहस्सेहिं इहं दोहि विसाहे मुणिम्मि वोच्छेदो । वीरजिणधम्मतित्थे होहि निसीहस्स निद्दिट्ठो ८१९।। विण्हुमुणिम्मि मरते हारितगोत्तम्मि होति वीसाए । वरिसाण सहस्सेहिं आयारंगस्स वोच्छेदो ॥८२०॥ अह दूसमाए सेसे होही नामेण दुप्पसहसमणो । अणगारो गुणगारो धम्मागारो तवागारो ॥८२१॥ सो किर आयारधरो अपच्छिमो होहिती भरहवासे । तेण समं आयारो नस्सीहि समं चरित्तेणं ॥८२२।। अणुओगच्छिण्णयारो (?) अह समणगणस्स दावियायारो(?) । आयारम्मि पणढे होहिति तइया अणायारो ॥८२३।। चंकमिउं वरतरं (?तरयं) तिमिसगुहाए व मंधकाराए । न य तइया समणाणं आयारसुते पणट्ठम्मि ॥८२४।। निज्झिणा पासंडा चोरेहिं जणो विलुप्पते अहियं ! होहिंति तया गामा केवलनामावसेसा उ ॥८२५।। वीसाए सहस्सेहिं पंचहिं य सतेहिं होइ वरिसाणं । पूसे वच्छसगोत्ते वोच्छेदो उत्तरज्झाए ॥८२६।। वीसाए सहस्सेहिं वरिससहस्सेहिं (?वरिसाण सएहिं) नवहिं वोच्छेदो । दसवेतालियसुत्तस्स दिण्णसाहुम्मि बोधव्वो ॥८२७।। पविरलगाम-जणवदं पविरलमणुएसु नामदेसेसु । नामेण नाइलो नाम गणहरो होही(होहिइ) महप्पा ॥८२८॥ धम्मम्मि निरालोए जिणमतदुस्सद्दहम्मि लोगम्मि । पव्वावेही सीसं दुप्पसहं नाम नामेणं ॥८२९॥ सो पुण संपतिकाले कामालोएसु देवलोएसु । लोगही(? ट्ठि)ते विमाणे अच्छिति य विमाणितो देवो ॥८३०।। सो सागरगंभीरो देवाउं सागरोवमं तस्स ।
Jain Education International
For Private & Personal Use Only
www.jainelibrary.org
