________________
5
२९४
आचार्यश्रीअभयदेवसूरिविरचितटीकासहिते समवायाङ्गसूत्रे [सू० १५८] [१] जंबुद्दीवे णं दीवे भारहे वासे इमीसे ओसप्पिणीए बारस चक्कवट्टीपितरो होत्था, तंजहाउसभे सुमित्तविजए समुद्दविजए य विस्ससेणे य ।। सूरिते सुदंसणे पउमुत्तर कत्तवीरिए चेव ॥११९॥ महाहरी य विजए य पउमे राया तहेव य । बंभे बारसमे वुत्ते पिउनामा चक्कवट्टीणं ॥१२०॥
जंबुद्दीवे णं दीवे भरहे वासे इमाए ओसप्पिणीए बारस चक्कवट्टिमायरो होत्था, तंजहा
सुमंगला जसवती भद्दा सहदेवा अतिरा सिरि देवी । जाला तारा मेरा वप्पा चुलणी य अपच्छिमा ॥१२१॥
जंबुद्दीवे णं दीवे भरहे वासे इमाए ओसप्पिणीए बारस चक्कवट्टी होत्था . तंजहा
भरहे सगरे मघवं० [सणंकुमारो य रायसठूलो । संती कुंथू य अरो हवइ सुभूमो य कोरव्वो ॥१२२॥ नवमो य महापउमो हरिसेणो चेव रायसठूलो । जयनामो य नरवई बारसमो बंभदत्तो य ॥१२३॥] गाधातो । एतेसि णं बारसण्हं चक्कवट्टीणं बारस इत्थिरयणा होत्था, तंजहापढमा होइ सुभद्दा, भद्दा सुणंदा जया य विजया य ।
कण्हसिरी सूरसिरी, पउमसिरी वसुंधरा देवी । 20 लच्छिमती कुरुमती, इत्थीरतणाण नामाई ॥१२४॥
जंबुद्दीवे णं दीवे भरहे वासे इमाए ओसप्पिणीए नव बलदेव-वासुदेवपितरो होत्था, तंजहा
पयावती य बंभे [रुद्दे सोमे सिवे ति त ।
महसीह अग्गिसीहे, दसरहे नवमे त वसुदेवे ॥१२५॥] गाहा । _25 जंबुद्दीवे णं दीवे भरहे वासे इमीसे ओसप्पिणीए णव वासुदेवमातरो
15
Jain Education International
For Private & Personal Use Only
www.jainelibrary.org
