________________
[सू० ३०]
त्रिंशत्स्थानकम् । धंसेइ जो अभूएणं अकम्मं अत्तकम्मणा । अदुवा तुममकासि त्ति महामोहं पकुव्वइ ॥२६॥ ८॥ जाणमाणो परिसओ सच्चामोसाणि भासति । अज्झीणझंझे पुरिसे महामोहं पकुव्वति ॥२७॥ ९॥ अणायगस्स नयवं दारे तस्सेव धंसिया । विउलं विक्खोभइत्ताणं किच्चा णं पडिबाहिरं ॥२८॥ उवगसंतं पि झंपिता पडिलोमाहिं वग्गूहिं । भोगभोगे वियारेति महामोहं पकुव्वति ॥२९॥ १०॥ अकुमारभूए जे केइ कुमारभूए त्ति हं वए । इत्थीहिं गिद्धे वसए महामोहं पकुव्वति ॥३०॥ ११॥ अबंभयारी जे केइ बंभयारि त्ति हं वए । गद्दभे व्व गवं मज्झे विस्सरं नदई नदं ॥३१॥ अप्पणो अहिए बाले मायामोसं बहुं भसे । इत्थीविसयगेहीए महामोहं पकुव्वइ ॥३२॥ १२॥ जं निस्सिए उव्वहती जससा अहिगमेण वा । तस्स लुब्भइ वित्तम्मि महामोहं पकुव्वइ ॥३३॥ १३॥ इस्सरेण अदुवा गामेणं अणिस्सरे इस्सरीकए । तस्स संपग्गहीयस्स सिरी अतुलमागया ॥३४॥ ईसादोसेण आइडे कलुसाविलचेयसे । जे अंतरायं चेएइ महामोहं पकुव्वति ॥३५॥ १४॥ सप्पी जहा अंडउडं भत्तारं जो विहिंसइ ।। सेणावई पसत्थारं महामोहं पकुव्वइ ॥३६॥ १५॥ जे नायगं व रट्ठस्स नेयारं निगमस्स वा ।। सेटिं बहुरवं हंता महामोहं पकुव्वति ॥३७॥ १६॥ १. भासई अटी० ॥
15
Jain Education International
For Private & Personal Use Only
www.jainelibrary.org
