________________
दीवसागरपण्णतिपइण्णय दारपमाणा चउरो वडिंसका तत्थ पल्लयठितीया। देवा असोज १ तह सत्तिवन्न २ चंपे ३ य चूए ४ य ॥१८॥
चंचाए बहुमज्झे विक्खंभाऽऽयामसोलससहस्से १६००० । अह उवकारियलेणे बाहल्लेणऽड्ढजोयणिए ॥१८४॥ पउमवरवेइयाए वणसंडेणं च संपरिक्खित्ते। तस्स बहुमज्झदेसे वडेंसगो परमरम्मो उ॥१८५॥
दारप्पमाणसरिसो उ सो उ तत्थेव हवइ पासाओ। सो होइ परिक्खित्तो चउहिं पासायपंतीहिं ॥१८६॥
सयमेगं पणुवीसं १२५, बास,ि जोयणाई अद्धं च ६२३ । एकत्तीस सकोसे ३१३ य ऊसिया, वित्थडा अद्धं ॥१८७॥
पासायस्स उ पुवुत्तरेण एत्थ उ सभा सुहम्मा उ। तत्तो य चेइयघरं उववायसभा य हरओ य॥१८८॥ अभिसेक्का-ऽलंकारिय-ववसाया ऊसिया उ छत्तीसं ३६ । पन्नासइ ५० आयामा, आयामऽद्धं २५ तु वित्थिण्णा ॥१८९॥
तिदिसिं होंति सुहम्माए तिन्नि दारा उ अट्ट ८ उव्विद्धा । विक्खंभो य पवेसो य जोयणा तेसि चत्तारि ४ ॥१९०॥
तेसिं पुरओ महमंडवा उ, पेच्छाघरा य तेस भवे । पेच्छाघराण मज्झे अक्खाडा आसणा रम्मा ॥१९१॥
पेच्छाघराण पुरओ थूभा, तेसिं चउद्दिसि होति । पत्तेय पेढियाओ, जिणपडिमा एत्थ पत्तेयं ॥१९२॥
थूभाण होंति पुरओ [य] पेढिया, तत्थ चेइयदुमा उ। चेइयदुमाण पुरओ उ पेढियाओ मणिमईओ ॥१९३॥
Jain Education International
For Private & Personal Use Only
www.jainelibrary.org
