________________
दीवसागरपण्णत्तिपइण्णयं [गा० ९८-१०१. कुडलवरम्भतरे सक्कोसाणऽगमहिसीणं
रायहाणीओ] सक्कस्स देवरन्नो जाओ उ हवंति अग्गमहिसीओ। तासि पि य पत्तेयं अटेव य रायहाणीओ ॥९८॥ जन्नामा देवीओ तन्नामा होंति रायहाणीओ। सक्कस्स देवरन्नो ताओ उ हवंति दक्खिणओ ॥ ९९ ॥ ईसाणदेवरनो जाओ उ हवंति अग्गमहिसीओ। तासि पि य पत्तेयं अट्रेव य रायहाणीओ ॥ १०० ।। जन्नामा देवीओ तन्नामा होति रायहाणीओ। ईसाणदेवरन्नो तासिं तु हवंति उत्तरओ ॥ १०१॥
[गा० १०२-१०९. कुडलवरबाहिं तायत्तीसगाणं
तवग्गमहिसीणं च रायहाणीओ] कुंडलवरस्स बाहिं छसु चेव हवंति सयसहस्सेसु ६००००० । तेत्तीसं ३३ रइकरगा उ पव्वया तत्थ रम्मा उ ।। १०२ ।। सकस्स देवरन्नो तायत्तीसा हवंति जे देवा। उप्पायपव्वया खलु पत्तेयं तेसि बोद्धव्वा ।। १०३ ॥
एत्तो एक कस्स उ चउद्दिसि होति रायहाणीओ। जंबुद्दीवसमाओ विक्खंभाऽऽयामउत्ताओ' ।। १०४ ॥
पठमा उ सयसहस्सा, बिइया तिसु चेव सयसहस्सेसु । पुव्वाइआणुपुव्वी तासिं नामाई कित्ते हं॥ १०५ ॥ विजया १ य वेजयंती २ जयंति ३ अवराइया ४ य बोद्धव्वा । तत्तो य नलिणनामा ५ नलिणगुम्मा ६ य पउमा ७ य ।। १०६ ।। तत्तो य महापउमा ८ अटेव य होति रायहाणीओ। चकज्झया १ य सच्चा २ सव्वा ३ वयरज्झया ४ चेव ॥ १०७॥
१. °यामओ ताओ प्र० मु०।
Jain Education International
For Private & Personal Use Only
www.jainelibrary.org
