Agam 45 Chulika 02 Anuyogdwar Sutra Part 02

SR No.: 001107
Original Sutra Author: Aryarakshit
Author: Jambuvijay
Publisher: Mahavir Jain Vidyalay
Publication Year: 2000
Total Pages: 560
Language: Prakrit, Sanskrit
Classification: Book_Devnagari, Agam, Canon, & agam_anuyogdwar
File Size: 11 MB

Page 492

श्री अनुयोगद्वारसूत्रस्य द्वितीयविभागस्य तिलोयपण्णत्तिग्रन्थे लोकस्वरूपवर्णनम् १३८ ण च एदव्वदिरित्तमण्णं सत्तरज्जुघणपमाणं लोगसण्णिदं खेत्तमत्थि, जेण पमाणलोगो छदव्वसमुदयलोगादो अण्णो होज ? ण च लोगालोगेसु दोसु वि ट्ठिदसत्तरज्जुघणमेत्तागासपदेसाणं पमाणघणलोगववएसो, लोगसण्णाए जादिच्छियत्तप्पसंगा। होदु चे ण, सव्वागास-सेढि-पदर-घणाणं पि जादिच्छियसण्णापसंगादो। किं च ‘पदरगदो केवली केवडि खेत्ते, लोगे असंखेजदिभागूणे । उड्डलोगेण दुवे उडलोगा उडलोगस्स तिभागेण देसूणेण सादिरेगा' इच्चेदस्स सादिरेयदुगुणत्तस्स उड्डलोगादो कहणण्णहाणुववत्तीदो सिद्धं दोण्हं लोगाणमेगत्तमिदि । तम्हा पमाणलोगो छदव्वसमुदयलोगादो आगासपदेसगणणाए समाणो त्ति घेत्तव्वो। कधं लोगो पिंडिज्जमाणो सत्तरज्जुघणपमाणो होज्ज ? वुच्चदे-लोगो णाम सव्वागासमज्झत्थो चोद्दसरज्जुआयामो दोसु वि दिसासु मूलद्ध-तिण्णि-चउब्भाग-चरिमेसु सत्तेक्कपंचेक्करज्जुरुंदो सव्वत्थ सत्तरज्जुबाहल्लो वड्डि-हाणीहि ट्ठिददोपेरंतो, चोद्दसरज्जुआयदरज्जुवग्गमुहलोगणालिगब्भो । एसो पिंडिजमाणो सत्तरज्जुघणपमाणो होदि । जदि लोगो एरिसो ण घेप्पदि तो पदरगदकेवलिखेत्तसाहण8 वुत्त-दो-गाहाओ णिरत्थियाओ होज, तत्थ वुत्तफलस्स अण्णहा संभवाभावा । काओ ताओ दो गाहाओ त्ति वुत्ते वुच्चदे
मुह-तलसमास-अद्धं वुस्सेधगुणं गुणं च वेधेण । घणगणिदं जाणेज्जो वेत्तासणसंठिये खेत्ते ॥९॥ मूलं मज्झेण गुणं मुहसहिदद्धमुस्सेधकदिगुणिदं । घणगणिदं जाणेज्जो मुइंगसंठाणखेतम्हि ॥१०॥
ण च एदस्स लोगस्स पढमगाहाए सह विरोहो, एगदिसाए वेत्तासण-मुदिंगसंठाणदसणादो । ण च एत्थ झल्लरीसंठाणं णत्थि, मज्झम्हि सयंभुरमणोदहिपरिक्खित्तदेसेण चंदमंडलमिव समंतदो असंखेजजोयणरुंदेण जोयणलक्खबाहल्लेण झल्लरीसमाणत्तादो' । ण च दिर्सेतो दारिद्वंतिएण सव्वहा समाणो, दोण्हं पि अभावप्पसंगादो। ण च तालरुक्खसंठाणमेत्थ ण संभवइ, एगदिसाए तालरुक्खसंठाणदंसणादो। ण च तइयाए गाहाए सह विरोहो, एत्थ वि दोसु दिसासु चउव्विहविखंभदंसणादो । ण च सत्तरज्जुबाहल्लं करणाणिओगसुत्तविरुद्धं, तस्स तत्थ विधिप्पडिसेधाभावादो । तम्हा एरिसो चेव लोगो त्ति घेत्तव्वो।" इति दिगम्बराचार्यपुष्पदन्त-भूतबलिप्रणीतस्य षट्खण्डागमस्य प्रथमे जीवस्थाने क्षेत्रानुगमे वीरसेनाचार्यविरचितायां धवलायां टीकायाम्, पृ० १०-२२ ।।
(३) अथ तिलोययण्णत्तिग्रन्थे लोकप्रमाणप्ररूपणम् - "सयलो एस य लोओ णिप्पण्णो सेढिविंदमाणेण । तिवियप्पो णादव्वो हेट्ठिममज्झिल्लउड्डभेएण ॥१३६।। हेट्ठिमलोयायारो वेत्तासणसण्णिहो सहावेण । मज्झिमलोयायारो उब्भियमुरअद्धसारिच्छो ॥१३७|| उवरिमलोयाआरो उब्भियमुरवेण होइ सरिसत्तो । संठाणो एदाणं लोयाणं एण्हिं साहेमि ॥१३८॥ तंमज्झे मुहमेक्कं भूमि जहा होदि सत्त रजूवो । तह छिदिदम्मि मज्झे हेट्ठिमलोयस्स आयारो ॥१३९॥ दोपक्खखेत्तमेत्तं उच्चलयंतं पुण 8वेदूणं । विविरीदेणं मेलिदे वासुच्छेहा सत्त रज्जूओ ॥१४०॥ मज्झम्हि पंच रज कमसो हेट्ठोवरिम्हि इगि रज्जू । सग रजू उच्छेहो होदि जहा तह य छेत्तूणं ॥१४१।। हेट्ठोवरिदं मेलिदखेत्तायारं तु चरिमलोयस्स । एदे पुव्विल्लस्स य खेत्तोवरि ठावए पयदं ॥१४२॥ उद्धियदिवट्टमुरवधजोवमाणो य तस्स आयारो । एक्कपदे सगबहलो चोदृसरजूदवो तस्स ॥१४३।। तस्स य एक्कम्हि दए वासो पुव्वावरेण भूमिमुहे । सत्तेक्कपंचएक्का रज्जूवो मज्झहाणिचयं ॥१४४॥ खेस्संठियचउखंड सरिसट्ठाणं आइ घेत्तूणं । तमणुज्झोभयपक्खे विवरीयकमेण मेलिज्जो ॥१४५॥