________________
. भूण गाया
नमिय जिणं धुवबंधोदयसत्ताघाइपुन्नपरियत्ता । सेयर चउहविवागा, वुच्छं बंधविह सामी य ॥१॥ वन्नचउतेयकम्मा-गुरुलहुनिमिणोवघायभयकुच्छा । मिच्छकसायावरणा, विग्धं धुवबंधि सगचत्ता ॥२॥ तणुवंगागिइसंघयण, जाइ गइ खगइ पुव्वि जिणसासं । उज्जोयायवपरघा, तसवीसागोयवेयणियं ॥३॥ हासाइजुयलदुगवेय, आउ तेवुत्तरी अधुवबंधा । भंगा अणाइ साइ, अणंतसंतुत्तरा चउरो ॥४॥ पढमबिया धुवउदइसु, धुवबंधिसु तइयवज भंगतिगं । मिच्छम्मि तिन्नि भंगा, दुहा वि अधुवा तुरियभंगा ॥५॥ निमिण थिरअथिर अगुरु य, सुहअसुह तेय कम्म चउवना । नाणंतराय दंसण, मिच्छ धुवउदय सगवीसा ॥६॥ थिरसुभियर विणु, अधुवबंधी मिच्छ विणु मोहधुवबंधी । निद्दोवघाय मीसं, सम्मं पणनवइ अधुवुदया ॥७॥ तसवन्नवीस सगतेयकम्म ध्रुवबंधि सेस वेयतिगं । आगिइतिग वेयणियं, दुजुयल सग उरल सास चउ ॥८॥ खगईतिरिदुग नीयं, ध्रुवसंता सम्म मीस मणुयदुगं । विउव्विक्कार जिणाऊ, हारसगुच्चा अधुवसंता ॥९॥ पढमतिगुणेसु मिच्छं, नियमा अजयाइअट्ठगे भजं । सासाणे खलु सम्मं, संतं मिच्छाइदसगे वा ॥ १०॥ सासणमीसेसु धुवं, मीसं मिच्छाइ नवसु भयणाए । आइदुगे अण नियमा, भइया मीसाइ नवगंमि ॥११॥
Jain Education International
For Private & Personal Use Only
www.jainelibrary.org
