________________
કર્મસ્તવ
૧૫૫
નામકર્મની ૯૩-૯૨-૮૯-૮૮ એમ ચારે સત્તા હોય છે. તેથી સર્વકર્મનાં સત્તાસ્થાનો આ પ્રમાણે છે.
ઉપર મુજબ આઠમા ગુણઠાણે ૧૪૬ થી ૧૩૩ સુધીનાં પણ તેમાં ૧૪૩ વિના કુલ ૧૩ સત્તાસ્થાનો હોય છે. ઉપશમશ્રેણીમાં નવમેદસમે-અગિયારમે ગુણઠાણે મોહનીયનો ઉપશમ જ થતો હોવાથી અને ઉપશમેલું કર્મ સત્તામાં વિદ્યમાન હોવાથી સત્તામાં કોઇપણ જાતનો ફેરફાર થતો નથી. માટે આઠમા ગુણસ્થાનકની જેમ જ નવમે દસમે અને અગિયારમે ગુણસ્થાનકે ઉપશમશ્રેણિમાં ૧૩૩ થી ૧૪૬ સુધી (૧૪૩ વિના) ૧૩ સત્તાસ્થાનો જાણવાં. હવે માત્ર ક્ષપકશ્રેણી આશ્રયી જ સમજાવાય છે.
(૯) અનિવૃત્તિ બાદર સંપરાય ગુણસ્થાનક
આ ગુણસ્થાનકે ક્ષપકશ્રેણિમાં વચ્ચે વચ્ચે સત્તા ચાલી જતી હોવાથી સત્તાને આશ્રયી ૯ ભાગ પાડવામાં આવ્યા છે. ત્યાં દર્શનાવરણીય કર્મની પ્રથમથી ૯ ની સત્તા છે. પરંતુ પ્રથમભાગે ૨૮ મી ગાથામાં કહ્યા મુજબ થિણદ્ઘિત્રિકનો (૧૬ પ્રકૃતિઓની સાથે) ક્ષય થાય છે. તેથી બીજા આદિ ભાગોમાં દર્શનાવરણીયની ૬ ની સત્તા હોય છે.
નામકર્મનાં ૯૩, ૯૨, ૮૯, ૮૮, એમ ચાર જાતનાં સત્તાસ્થાનકો હોય છે પરંતુ બીજા આદિ ભાગોમાં ૧૬ નો ક્ષય થાય ત્યારે તેમાં ૧૩ નામકર્મની હોવાથી તે ૧૩ બાદ કરતાં ૮૦, ૭૯, ૭૬, ૭૫ ની સત્તા હોય છે.
મોહનીય કર્મમાં ૨૮-૨૯ ગાથામાં કહ્યા મુજબ પ્રકૃતિઓનો ક્રમશઃ ક્ષય થવાથી ૨૧-૧૩-૧૨-૧૧-૫-૪-૩-૨-૧ની સત્તા હોય છે. આયુષ્યકર્મમાં ક્ષપકશ્રેણિમાં અબદ્ધાયુ જ હોય છે. માટે ૧ ની જ સત્તા હોય છે. ક્ષપકશ્રેણિને જ આશ્રયી સર્વકર્મપ્રકૃતિઓની સત્તાનું કોષ્ટક આ પ્રમાણે
Jain Education International
For Private & Personal Use Only
www.jainelibrary.org
