Page Text
________________
सत्तावीसइमं पडलं] एगूणसट्टिमो कालज्झाओ
२६१ चूया । कण्हेसु कालपक्खं रत्तिं वा बूया । सामेसु संझं वा पक्खसंधि वा बूया । गिद्धेसु वासारत्तं बूया, कण्हेसु वि वासारत्तं बूया । सुकेसु सरदं बूया, पसण्णेसु वि सरदं बूया । सीते हेमंतं बूया, १ संवुतेसु य हेमतं बूया । - [......सिसिरं बूया,............वि सिसिरं बूया।] सामेसु वसंतं बूया, मुदितेसु वि वसंतं बूया । लुक्खेसु गिम्हं बूया, उण्हेसु वि गिम्हं बूया। बालेयेसु पाउसं बूया, उवणिद्धेसु णिद्धेसु वा पाउसं बूया । एवं रत्तीयं वा दिवसे वा सुक्कपक्खे वा कालपक्खे वा अण्णतरस्सि वा छण्हं उदूणं उदुसि आधारितंसि संझा-पक्खसंधीसु वा उदुसंधीसु वा . आधारितेसु एतेहिं जधुत्तेहिं आमासेहिं उबलद्धव्वं भवति, सह-रूवपादुब्भावेसु चेव समणुगंतव्वं भवति ।।
तत्थ मासेसु पुव्वाधारितेसु कतमो मासो ? त्ति । तत्थ पुरिमेसु गत्तेसु कत्तियं वा मग्गसिरं वा पोसं वा बूया, संवच्छरे पुव्याधारिते अग्गेयं वा सोमं वा पोसं वा संवच्छरं बूया । दक्षिणेसु गत्तेसु माहं वा फग्गुणं वा चेत्तं वा वेसाहं वा मासं बूया, संवच्छरे पुव्वाधारिते कुछ माह वा फग्गुणं वा चेत्तं वा वेसाह वा संवच्छरं बूया। पच्छिमेसु गत्तेसु जेट्ठामूलं वा आसाढं वा सावणं वा मासं बूया, संवच्छरे पुव्वाधारिते जेट्ठामूलं वा आसाढं वा 10सावणं वा संवच्छरं बूया । वामेसु गत्तेसु पोट्ठपदं वा अस्सयुजं वा मासं बूया, संवच्छरे पुव्वाधारिते पोट्ठपदं वा अस्सोजं वा संवच्छरं बूया । दढेसु गत्तेसु फग्गुणं वा आसाढं वा पोट्ठपदं वा मासं बूया, संवच्छरे पुव्वाधारिते 'फग्गुणं वा आसाढं वा पोट्ठपदं वा संवच्छरं बूया । चलेसु सावणमासं बूया, संवच्छरे पुत्वाधारिते सावर्ण संवच्छरं बूया । निद्धेसु सावणं वा पोट्ठपदं वा अस्सोजं वा कत्तियं वा बूया, संवच्छरे पुव्वाधारिते सावणं वा पोट्ठपदं वा अस्सोजं वा कत्तियं वा संवच्छरं बूया । लुक्खेसु चेत्तं वा वेसाहं वा जेट्ठामूलं वा आसाढं वा मासं बूया, 15 संवच्छरे पुव्वाधारिते चेत्तं वा वेसाहं वा जेट्ठामूलं वा आसाढं वा संवच्छरं बूया । सीतेसु संवुतेसु य मग्गसिरं वा पोसं वा माहं वा मासं बूया । संवच्छरे पुव्वाधारिते मग्गसिरं वा पोसं वा माह वा संवच्छरं बूया । एवं आमाससह-रूवपादुब्भावेसु उदुउपचारेहिं कम्म-चेट्टापविचारेहिं णक्खत्तदेवयकम्मोवयारेहिं उवलद्धीहिं चेव जधोपदिटेहि आधारयित्ता आधारयित्ता मास-संवच्छरोपलद्धीहिं कमसो पवासमणुगंतव्वं भवति । इति मासपरिसंखा ।
सर्वैच्छरपरिसंखा पमाणाणिचेव णामतो देवतोपलद्धीहिं उदुप्पविभागेहिं चेव वक्खातं भवतीति । तत्थ पक्खे 20. पुव्वाधारिते णीहारेसु पक्खप्पमाणं बूया । उजुभागेसु अवस्थितेसु मासप्पमाणं बूया । आहारेसु तिपक्खप्पमाणं बूया ।
दिवसे पुव्वाधारिते एक्कगत्ते एक्काभरणके एकोपकरणे एक्कचरेसु सत्तेसु एक्कसाहागते चेव एक्काहिकप्पमाणं बूया। तत्थ दंडेसु गत्तेसु बिअंगुलिग्गहणे यमलाभरणके यमलोपकरणे मिधुणचरेसु चेव सत्तेसु बिहप्पमाणं बूया । तत्थ तिअंगुलीग्गहणे भुमकंतरे णासग्गे तिके अपदूयं अखत्तरे पोरिसे बत्थिसीसे तियमलोपकरणे तिकसहपडिरूव-आकारपादुब्भावेसु चेव तिहप्पमाणं बूया । तत्थ चउरंगुलिग्गहणे पादतलपाणितले उम्मजिते उल्लोकिते उहिते णट्टे गीते वादिते 25दंडजमलोदीरणे चतुक्कसद्दपडिरूवे आकारपादुब्भावसु चेव चातूहिकप्पमाणं बूया । तत्थ पंचंगुलिग्गहणे मुट्ठिाहणे थणग्गहणे फिजागहणे सयणा-ऽऽसणे सपुरिसे सव्वपंचकपरामासे पंचकसद्दपडिरूवा-ऽऽगारपादुब्भावेहिं चेव पंचाहप्पमाणं बूया । तत्थ गुप्फग्गहणे मणिबंधग्गहणे छसु वा एक्ककेसु तिसु वा बिकेसु बिसु वा तिकेसु एक्कके पंचकसहिते बिके चतुक्कसहिते छक्कसहपडिरूव-आकारपादुब्भावेहिं चेव छाहिकप्पमाणं बूया । तत्थ सत्तकपरामासे चतुके तिगसहिते पंचगे दुगसहिते छक्के एक्ककसहिते बिसु वा तिकेसु एक्कगसाधारणेसु तिसु वा बिकेसु एक्कसाधारणेसु 30 सत्तकसहपडिरूव-आकारपादुब्भावेसु चेव सत्ताहिकप्पमाणं बूया। तत्थ बिचउक्कोदीरणे चउण्डं वा दुगाणं दसणे अट्ठसु
१ एतचिहान्तर्गतः पाठः हं० त० नास्ति ॥२ हस्तचिह्नान्तर्गतः पाठः ६० त० एव वर्त्तते ॥३°परिचारे ह. त० विना ॥ ४ एतचिहान्तर्गतः पाठः हं. त. नास्ति ॥ ५ अपत्तयं अखंतरे है. त. विना॥ ६ मुट्रिकरणे थणंतरे गहणे फिजा है. त• विना ॥
Jain Education Intemational
For Private & Personal Use Only
www.jainelibrary.org
| SR No. | 001065 |
| Book Title | Angavijja |
| Original Sutra Author | N/A |
| Author | Punyavijay, Vasudev S Agarwal, Dalsukh Malvania |
| Publisher | Prakrit Granth Parishad |
| Publication Year | 1957 |
| Total Pages | 487 |
| Language | Prakrit, Hindi |
| Classification | Book_Devnagari, Agam, Canon, Jyotish, & agam_anykaalin |
| File Size | 15 MB |