Page Text
________________
अंगविजापपणयं . .... तत्थ अणूसु सव्वधण्णगते य धण्णगतं बूया । तत्थ धण्णेसु पुव्वाधारितेसु सव्वधणं दुविधमाधारए, तं जधापुव्वणं अवरण्णं चेति । तत्थ पुरथिमेसु गत्तेसु पुरत्थिमेसु य सद्द-रूवेसु पुंठवण्णगते य पुव्वण्णं बूया, तत्थ पच्छिमेसु गत्तेसु पच्छिमेसु य सह-रूवेसु च सव्वअवरणगते य अवरणं बूया ।
. . तत्थ पुव्वण्णे पुव्वाधारिते पुव्वण्णं अट्ठविधमाधारये, तं जधा-साली कोदवा वीही कंगू रालका वरका 5 सामाग(गा) तिला वेति । तत्थ दीहेसु साली वा वीही वा, पुधूसु तिले बूया । तत्थ कसेसु कोदवो कंगू वा रालके वा वरके वा सामाकं बूया । तत्य रत्तेसु कंगू वा कोहवे वा बूया । तत्थ पीतेसु रालके बूया । फरुसेसु सामाकं बूया । सामेसु वरके बूया। णि सु सालिं वा वीहिं वा कंगुं वा तिले वा बूया । तत्थ लुक्खेसु कोहवे वा रालके वा वरके वा सामाकं वा बूया। तत्थ मुसलसमाहतगते साली वा वीही वा कंगू वा रालके वा बरके वा सामागं वा बूया। तत्थं घढे वा भामिते वा कोहवे बूया । तत्थ पिढे वा पीलिते वा तिले बूया । इति पुव्वण्णं। 10 तत्थ अवरण्णे पुव्वाधारिते अवरणं तेरसविधमाधारये । तं जधा-मासा मुग्गा चणका कलावा णिप्फावा
मसूरा कुलत्था तुवरयो यवा गोधूमा कुसुंभा सासवा अतसीओ त्ति । तत्थ पीतेसु चणके वा कलाए वा तुवरीओ वा बूया । तत्थ कालेसु मासा वा मुग्गा वा बूया । तत्थ सेतेसु णिप्फावे [बूया ] | तत्थ कडुकेसु सासवे बूया । तत्थ कसायेसु गोधूमे बूया । तत्थ अंबेसु चणके कुलत्थे वा बूया । इति अवार]ण्णं।
- तत्थ सव्वधण्णगतं चतुव्विधमाधारये, तं जधा-खंधगतं वल्लिगतं तणगतं छुभगतं चेति । तत्थ मधुरेसु मासा 15 वा मुग्गा वा मसूरा वा कलावा [वा] बूया । तैएसु णिप्फावा कुसुंभा वा अतसीओ वा तुवरीओ वा बूया ।
तत्थ खंधगते तिले वा कुसुंभे वा तुवरीओ वा अतसीओ वा सासवे वा बूया । तत्थ वल्लिगते णिप्फावे वा कुलत्थे वा मसूरे वा बूया । तत्थ गुम्मगते (छुभगते) मासे वा मुग्गे वा चणके वा कलाये वा बूया । तत्थ भाणगते (तणगते) साली वा वीही वा कोहवे वा रालकं वा जवे वा गोधूमे वा वरके वा बूया । ....
तं पुण सव्वधैंण्णगते दुविधमाधारये-कोसीधण्णं वे अकोसीधण्णं चेव । तत्थ 'अंगुलीगते णहगते 20 पेलागते धविकागते पसिव्विकागते सव्वमुग्गागते सव्वसुसंवलिकाफलेसु सव्वसिंगिगते य कोसीधण्णं बूया, तं जधातिला मासा मुग्गा चणका कलावा णिप्फावा कुलत्था मसूरा तुवरीओ ति । अवसेसाणि अकोसीधण्णाणि । इति
तत्थ सम्बमाहारं छविधमाधारये, तं जधा-महुरं तित्तं कसायं अंबिलं कटुकं लवणमिति । तत्थ अब्भंतरामासे सव्वमधुरगते मधुरं बूया । तत्थ तिक्खामासे सव्वकडुकगते य कडुकं बूया। तत्थ विघंटेसु सकसायोपलद्धीयं कसायं बूया। तत्थ वावण्णेसु सव्वअंबिलोपलद्धीयं अंबं बूया । तत्थ अक्खिगूधके कण्णगूधके दंतगूधके सुणासगते य थूभागगते य रेतगते सेयमलगते य सव्वलवणे य लवणं बूया । तत्थ चलामासे सव्वतित्तगते य तित्तकं बूया ।
तत्थ आधारे पुव्वाधारिए आधारं चतुविधमाधारये, तं जधा-भोयणगतं पाणगयं भक्खगतं लेज्झगतं चेति । तत्थ पुण्णामधेज्जामासे सव्वभोयणगते सव्वभोयणपडिरूवगते य भोयणं बूया । तत्थ णिद्धामासे सव्वपाणियेसु सव्वपाणगयं सव्वपाण-भोयण-भायणगते य पाणगतं बूया । तत्थ डहरत्थावरेसु डहरचलेसु य सव्वभक्खगते य सव्वभक्ख30 संभवेसु य संधीसु य भक्खगतं बूया । तत्थ सव्वभक्ख-पाणमीसेसु लेज्झगते य लेज्झं बूया।
१ हस्तचिहान्तर्गतः पाठः है. त० एव वर्त्तते ॥ २'त्थ घट्टे वा भासिए वा है. त०॥ ३ तत्थपसु है. त• विना ॥ ४°धणं वा दुव हं. त.॥ ५ हस्तचिह्नान्तर्गतः पाठः ह. त. एव वर्तते ॥ ६ अंगुलीगते धणगओ पलगए चविकागए पसिविकागए सव्वमुग्गगए सव्वमुसंवलिकाफलेसु सव्वसिरिगए य कोसीधणं है. त०॥ ७ अग्गर्ग है. त. विना ॥ ८ वियढेसु १० त०॥ ९°णागगते है० त०॥ १० य सव्वलवणं है. त०॥ .
Jain Education Interational
For Private & Personal Use Only
www.jainelibrary.org.
| SR No. | 001065 |
| Book Title | Angavijja |
| Original Sutra Author | N/A |
| Author | Punyavijay, Vasudev S Agarwal, Dalsukh Malvania |
| Publisher | Prakrit Granth Parishad |
| Publication Year | 1957 |
| Total Pages | 487 |
| Language | Prakrit, Hindi |
| Classification | Book_Devnagari, Agam, Canon, Jyotish, & agam_anykaalin |
| File Size | 15 MB |