Page Text
________________
अंगविजापरणयं [३२ दुवे मजिसमाणंतरजहणसाधारणाति साधारणम्मि णक्खत्ते देवते पणिधिम्मि य । पुप्फे फले व देसे वा णगरे गामे गिहे वि वा ॥ १०५०॥ पुरिसे चतुष्पदे चेव पक्खिम्मि उदगेचरे । कीडे किविल्लये वा वि परिसप्पे तघेव य ॥ १०५१ ॥ पाणे वा भोयणे वा वि वत्थे आभरणे तधा । आसणे सयणे जाणे भंडोवगरणे तधा ॥ १०५२॥ लोहेसु यावि सव्वेसु सव्वेसु रयणेसु य । मणीसु यावि सव्वेसु सव्वधण्ण-धणेसु य ।। १०५३ ॥ एतम्मि पेक्खियामासे सहे रूवे तधेव य । सव्वमेवाणुगंतूणं ततो बूयांगचिंतओ॥ १०५४॥
॥ उत्तममज्झिमसाधारणाणि ॥ २९ ॥ छ ।
[३० दुवे मज्झिममज्झिमसाधारणाणि] साधारणा तु अंगम्मि मझे मज्झाणमेव तु । ठाणा दुवे पसस्संते सोभणं तेसु णिदिसे ॥ १०५५ ।। मज्झिमाणुत्तमाणं च फलं साधारणं सुभं । मज्झे साधारणाणं पि तमेव फलमादिसे ॥ १०५६ ॥ जे सहा मज्झिमा वुत्ता उत्तमाणंतरा य जे । ते वामिस्सा उदीरंता मज्झसाधारणे समा ॥१०५७ ॥ साधारणम्मि णक्खत्ते जं चेतेसं समुत्तरं । सव्वमेवाणुगंतूणं ततो बूयांगचिंतओ ॥ १०५८ ॥
॥ मज्झिममज्झिमसाधारणाणि ॥ ३०॥ छ॥
[३१ दुवे मज्झिमाणंतरमज्झिमसाधारणाणि] मज्झिमाणंतराणं च मज्झिमाणंचे वक्खणा । मज्झे साधारणा वुत्ता मज्झिमत्थे पसस्सते ॥ १०५९।। एताणि आमसं पुच्छे अत्थलाभं जयं तथा । जं किंचि पसत्थं सा मज्झिमत्थे पसस्सते ॥ १०६०॥ पुरिसं इत्थिं च अत्थं वा कण्णं गन्भं च गम्भिाणि । कम्मं पवासं पावासिं बंध मोक्खं भया-ऽभयं ॥१०६१॥ रोगा-ऽऽरोगं च मरणं च जीविता वाधिकं तथा । वासारत्तमणावुद्धिं वासं पा वि अपातपं ॥ १०६२॥ सस्सवापत्ति-संपत्तिं गहुँ णहस्स देसणं । खेत्तं वत्युं धणं घण्णं खम् चम्मं सैक्म्मकं ॥ १०६३ ॥ जधुद्दिट्टम्मि एतम्मि पसत्थं जत्तियं भवे । मज्झिमाणंतरं सव्वं अप्पसत्थं हि णत्थि य॥१०६४॥
जे सदा मज्झिमा वुत्ता मज्झिमाणंतरा य जे। ते वामिस्सा उदीरंता मज्झिमाणंतरे समा ॥ १०६५॥ साधारणम्मि णक्खत्ते 'जं चेतेसं समुत्तरं । तं सव्वमणुगंतूणं ततो बूयांगचिंतओ ॥ १०६६ ॥
मज्झिमाणतरमजिसमसाधारणाणि सम्मत्ताणि ॥ ३१॥ छ॥
[३२ दुवे मज्झिमाणंतरजहण्णसाधारणाणि] मज्झिमाणंतराणं च जहण्णाणं च अंतरा । मझे साधारणा वुत्ता गोप्फा तेसु ण सोभणं ॥ १०६७ ॥ एताणि आमसं पुच्छे अत्थलाभं जयं तधा । जं च किंचि पसत्थं सा जहण्णं सव्वमादिसे ॥ १०६८ ॥ पुरिसादीकाणि वत्थूणि पवित्ताणि तु जाणिह । ताणि खेत्तप्पधाणाणि जहण्णाणि वियागरे ॥ १०६९ ॥ मज्झिमाणंतरा सहा जहन्ना जे य कित्तिया । ते वामिस्सा उदीरंता जधन्ना समका भवे ।। १०७० ।।
साधारणम्मि णक्खत्ते देवते पणिधिम्मि य। [फुप्फे फले व देसे वा णगरे गाम गिहे वि वा ॥१०७१॥] साधारणम्मि णक्खत्ते जं चेतेसं समुत्तरं । तं सव्वमणुगंतूणं ततो बूयांगचिंतओ।। १०७२ ॥
मज्झिमाणंतरजहण्णसाधारणाणि सम्मत्ताणि ॥ ३२॥छ ।
25
१ प्रणा तहा है. त०॥ २च चक्खुणा है. त० ॥३ सचम्मकं सप्र०॥ ४ जओदिट्ठसि एयम्मि है. त० ॥५ वत्तो से समु° सं ३ पु. सि. । जं वुत्ता से समु ई० त०॥ ६ पतताणि हं. त• विना ॥ ७ उत्तरार्ध सर्वासु प्रतिषु नास्ति ।
Jain Education Interational
For Private & Personal Use Only
www.jainelibrary.org
| SR No. | 001065 |
| Book Title | Angavijja |
| Original Sutra Author | N/A |
| Author | Punyavijay, Vasudev S Agarwal, Dalsukh Malvania |
| Publisher | Prakrit Granth Parishad |
| Publication Year | 1957 |
| Total Pages | 487 |
| Language | Prakrit, Hindi |
| Classification | Book_Devnagari, Agam, Canon, Jyotish, & agam_anykaalin |
| File Size | 15 MB |