Page Text
________________
10
एंगूणतिसइमं सेवितविभासापडलं] अट्ठमो भूमीकम्मऽज्झाओ
अभितरे सेवितम्मि उक्कट्ठा अत्थसंपदा । मज्झा य मज्झिमे बद्धी बाहिरे हीणमादिसे ॥४५॥ पुण्णामधेयं सेवेध पुमं इत्थि णपुंसकं । दीणोदत्तं वियाणित्ता विभत्तीय वियागरे ॥४६॥ थीणामधेयं सेवेध पुमं इत्थि णपुंसकं । दीणोदत्तं वियाणित्ता विभत्ती य वियागरे ॥४७॥ सिरं ललाडं कण्णं च उरं बाहुं च सेवति । थणे य परिमंडेज मत्थगं च णिसेवति ॥४८॥ उम्मढेसु सुभंगेसु सिद्धमत्थं पवेदये । णिम्महेसु य गत्तेसु अत्थहाणिं पवेदये ॥४९॥ पुण्णामधेये पुरिसत्थो थीणामेसित्थिया भवे । णपुंसके उभा णत्थि णपुंसत्थं पवेदये ॥ ५० ॥ थी-पुमंस-णपुंसत्थं णीहारे सेवितम्मि उ । तेसामेव भवे णासो आहारे लाभमादिसे ॥५१॥ चंदणं अगरुं चेव गंध-मल्लं विलेवणं । एताणि सेवमाणस्स सव्वं साधु पवेदये ॥५२॥ तं चेव जति सेवेध थणे य परिमंडती । णिम्मढेसु य गत्तेसु हीणमत्थं पवेदये ॥ ५३॥ इंगाल-छारिया-पंसु-केस-रोम-णहाणि य । किसाणि लुक्खाणि तधा चलाणि य णिसेवति ॥ ५४॥ लुक्ख-तुच्छाणि गत्ताणि बाहिराणि मताणि य । णिसेवमाणे एताणि हीणमत्थं पवेदये ॥ ५५॥ उवहुताणि सेवंते वापण्णाणि सुचीणि य । विणासं संपवेदेजो मरणं विप्पजोयणं ॥५६॥ अब्भंतरेसु गिद्धेसु पुण्णामेसु दढेसु य । घृण्णाम-सुक्केसु तधा आहार-मुदितेसु य ॥ ५७॥ समासतो तु जो पुच्छे पसत्थं पूयितं तधा । एताणि सेवमाणस्स अत्थसिद्धी पवेदये ॥५८॥ रुदिते कंदिते वा वि पुव्वम्मि रुदितम्मि य । समल्लिकंति वा कडे धणे वा विलकासु वा ॥ ५९ ॥ उवहुताणि सेवंतो वापण्णाणि सूचीणि य । आतुरं परिपुच्छेज्ज मरणं तस्स णिदिसे ॥ ६०॥ तधा पुप्फ-फलं वा वि पवालं च उवद्दुतं । एवंविधं सेवमाणस्स अवायं तत्थ णिदिसे ॥६१॥ दारकं दारिकं वा वि उपर आयमणिं तधा । पजागरं थावरं वा सव्वमेतेहि णिहिसे ॥६२॥ बीभच्छमासणं सयणं जुण्णं वत्थं च सेवइ । मरणं वा वि जाणिं व वाधि हाणि च णिदिसे ॥ ६३ ॥ चतुष्पदं गो महिसं अस्सं हत्थिं च सेवति । चतुप्पदं जाणगतं सबमेतेसु णिदिसे ॥ ६४ ॥ दसणीयम्मि देसम्मि णवे वा सयणाऽऽसणे । पुप्फे फले सेवितम्मि सव्वमेव सुभं वदे ॥६५॥ सयणा-ऽऽसणाणं जाणाणं विभूसं चेव सेवति । सव्वेसिं चेव इट्ठाणं पसत्था अत्थसिद्धिओ ॥ ६६ ।। किड्डा-रति-विहाराणं उवभोगाणं च सेवणा । पाणाणं भक्ख-भोजाणं सुभाणं संठितस्स य॥ ६७ ॥ पुरिमे अणागतं बूया पच्छिमेण अतिच्छियं । वत्तमाणं च पस्सेसु उद्धे वद्धिं अधो खयं ॥ ६८॥ सज्जीवेसु य सजीवं सेवितेसु वियागरे । अजीवमथ अज्जीवे 'सेवितम्मि वियागरे ॥ ६९ ॥ पुण्णामेसु य पुण्णामं थीणामे इथिमादिसे । णपुंसके णपुंसत्थं "सेवितम्मि वियागरे ॥७॥ अब्भंतरे सगं अत्थं मझे साधारणं वदे । बाहिरेसु परकं च सेवितेसु वियागरे ॥ ७१ ॥ पाणजोणी मूलजोणी धातुजोणी तधेव य । एताणेव तु जाणेज्जो दीणोदत्तेहिं सेविते ॥७२॥ उड़े उर्दू बूया चलेसु चलमादिसे । आहारे आगमं विज्जा णीहारे णिग्गमं वदे ॥ ७३ ।। उत्तमे उत्तमं विज्जा मज्झिमे मज्झिमं वदे । सेवितम्मि जहण्णम्मि जधण्णं तु पवेदये ॥७४ ।। अत्थजोणीसु अत्थं [च धम्मे धम्म पवेदये। कामजोणीसु कामं च मोक्खे मोक्खं पवेदये ॥ ७५ ॥
30
१ अत्थगं च णिवेसति है० त० ॥२ बुभा है० त० विना ॥ ३ लज्जतुट्ठाणि ६० त० ॥ ४ पुण्णामसुक्कसुक्केसु तथा सं ३ पु०॥ ५तु पुच्छेज प सि०॥६ कट्ठविणे वा चिलकोसु वा सं ३ पु. सि. । कटुं वणे वा विलाका है. त.॥ ७°ण्णाण सुसप्र०॥ ८ आयमिणं तधा सि०॥ ९-१० सेवियंसि हं. त०॥
Jain Education Intemational
For Private & Personal Use Only
For Private & Personal Use Only
www.jainelibrary.org
| SR No. | 001065 |
| Book Title | Angavijja |
| Original Sutra Author | N/A |
| Author | Punyavijay, Vasudev S Agarwal, Dalsukh Malvania |
| Publisher | Prakrit Granth Parishad |
| Publication Year | 1957 |
| Total Pages | 487 |
| Language | Prakrit, Hindi |
| Classification | Book_Devnagari, Agam, Canon, Jyotish, & agam_anykaalin |
| File Size | 15 MB |