________________
१२२]
मणुस्सपण्णवणा ।
खीणकसायवीयरायदंसणारिया य । से तं बुद्धबोहियछ उमत्थखीणकसायवीतरागदंसणारया । से त्तं छउमत्थखीणकसायवीयरायदंसणारिया ।
११७. से किं तं केवलिखीण कसायवीतरागदंसणारिया ? केवलिखीणकसायवीतरागदंसणारिया दुविहा पण्णत्ता । तं जहा - सजोगिकेवलिखीणकसायवीतरागदंसणारिया य अजोगिकेवलिखीणकसायवीतरागदंसणारिया य ।
११८. से किं तं सजोगिकेव लिखीणकसायवीतरागदंसणारिया ? सजोगिकेव लिखीणकसायवीतरागदंसणारिया दुविहा पण्णत्ता तं जहा - पढमसमयसजोगिकेवलिखीणकसायवीतरागदंसणारिया य अपढमसमय सजोगिकेवलिखीणकसायवीतरागदंसणारिया य, अहवा चरिमसमयसजोगिकेवलिखीणकसायवीतरागदंसणारया य अचरिमसमयसजोगिकेवलिखणिकसायवीतरागदंसणारिया य । १० सेत्तं सजोगिकेवलिखीणकसायवीयरागदंसणारिया ।
११९. से किं तं अजोगि केवलिखीणकसायवीयरागदंसणारिया ? अजोगिकेवलिखीणकसायवीयरागदंसणारिया दुविहा पण्णत्ता । तं जहा - पढमसमयअजोगिकेवलिखीणकसायवीतरागदंसणारिया य अपढमसमयअजोगिकेवलिखीणकसायवीतरागदंसणारिया य, अहवा चरिमसमयअजोगिकेवलिखीणकसायवीत- १५ रागदंसणारिया य अचरिमसमयअजोगिकेवलिखीणकसायवीयरागदंसणारिया य । से त्तं अजोगिकेवलिखीणकसायवीतरागदंसणारिया । से त्तं केवलिखीणकसायवीतरागदंसणारिया । से त्तं खीणकसायवीतरागदंसणारिया | से तं वीयरायदंसणारिया । से त्तं दंसणारिया ।
१२०. से किं तं चरितारिया ? चरितारिया दुविहा पण्णत्ता । तं २० जहा - सरागचरितारिया य वीयरागचरितारिया य ।
१२१. से किं तं सरागचरितारिया १ सरागचरितारिया दुविहा पन्नत्ता | तं जहा - सुहुमसंपरायसरागचरितारिया य बायरसंपरायसरागचरितारिया य ।
४१
१२२. से किं तं सुहुमसंपरायसरागचरित्तारिया ? सुहुमसंपरायसरागचरित्तारिया दुविहा पण्णत्ता । तं जहा - पढमसमय सुहुमसंपरायसरागचरितारिया २५ य अपढमसमयसुहुमसंपरायसरागचरित्तारिया य, अहवा चरिमसमयसुहुमसंपरायसरागचरितारिया य अचरिमसमयसुहुमसंपरायसरागचरितारिया य; अहवा सुहुमसंपरायसरागचरित्तारिया दुविहा पण्णत्ता, तं जहा - संकिलिस्समाणा विसुज्झमाणा य । से त्तं सुहुमसंपरायसरागचरित्तारिया ।
Jain Education International
For Private & Personal Use Only
www.jainelibrary.org
