________________
पण्णवणासुत्ते पढमे पण्णवणापए [सु० १११ - परमत्थसंथवो वा सुदिट्ठपरमत्थसेवणा वा वि । वावण्ण-कुदंसणवज्जणा य सम्मत्तसद्दहणा ॥१३१ ॥ निस्संकिय १ निकंखिय २ निवितिगिच्छा ३ अमूढदिट्ठी ४ य ।
उववूह ५ थिरीकरणे ६ वच्छल्ल ७ पभावणे ८ अट्ठ॥ १३२॥ ५ से तं सरागदंसणारिया ।
१११. से किंतं वीयरागदंसणारिया ? वीयरागदंसणारिया दुविहा पण्णत्ता। तं जहा-उवसंतकसायवीयरायदंसणारिया खीणकसायवीयरायदंसणारिया ।
११२. से किं तं उवसंतकसायवीयरायदंसणारिया ? उवसंतकसायवीयरायदंसणारिया दुविहा पण्णत्ता । तं जहा-पढमसमयउवसंतकसायवीयरायदंस१० णारिया अपढमसमयउवसंतकसायवीयरायदंसणारिया, अहवा चरिमसमयउवसंतकसायवीयरायदंसणारिया य अचरिमसमयउवसंतकसायवीयरायदंसणारिया य ।
११३. से किं तं खीणकसायवीयरायदंसणारिया ? खीणकसायवीयरायदंसणारिया दुविहा पण्णता। तं जहा-छउमत्थखीणकसायवीयरागदंसणारिया य केवलिखीणकसायवीयरागदसणारिया य ।
. ११४. से किं तं छउमत्थखीणकसायवीयरागदसणारिया ? छउमत्थखीणकसायवीयरागदसणारिया दुविहा पण्णत्ता। तं जहा-सयंबुद्धछउमत्थखीणकसायवीयरागदंसणारिया य बुद्धबोहियछउमत्थखीणकसायवीयरागदंसणारिया य।
११५. से किं तं सयंबुद्धछउमत्थखीणकसायवीयरागदंसणारिया ? २० सयंबुद्धछउमत्थखीणकसायवीयरागदसणारिया दुविहा पण्णत्ता। तं जहा-पढम
समयसयंबुद्धछउमत्थखीणकसायवीयरागदंसणारिया य अपढमसमयसयंबुद्धछउमत्थखीणकसायवीयरायदंसणारिया य, अहवा चरिमसमयसयंबुद्धछउमत्थखीणकसायवीयरायदंसणारिया य अचरिमसमयसयंबुद्धछउमत्थखीणकसायवीयरायदंसणारिया य । से तं सयंबुद्धछउमत्थखीणकसायवीयरायदंसणारिया।
११६. से किं तं बुद्धबोहियछउमत्थखीणकसायवीयरायदंसणारिया ? बुद्धबोहियछउमत्थखीणकसायवीयरायदंसणारिया दुविहा पण्णत्ता। तं जहापढमसमयबुद्धबोहियछउमत्थखीणकसायवीयरायदंसणारिया य अपढमसमयबुद्धबोहियछउमत्थखीणकसायवीयरागदंसणारिया य, अहवा चरिमसमयबुद्धबोहियछउमत्थखीणकसायवीयरायदंसणारिया य अचरिमसमयबुद्धबोहियछउमत्थ
१५
Jain Education International
For Private & Personal Use Only
www.jainelibrary.org
