________________
४१२
पण्णवणासुत्ते तीसइमं पासणयापर्यं ।
१९५९. एवं तेइंदियाण वि ।
१९६०. चउरिंदियाणं पुच्छा । गोयमा ! चउरिंदिया सागारपस्सी वि अणागारपस्सी वि । से केणट्टेणं० ? गोयमा ! जे णं चउरिंदिया सुयणाणी सुतअण्णाणी ते णं चउरिंदिया सागारपस्सी, जे णं चउरिंदिया चक्खुदंसणी ते ५ णं चउरिंदिया अणागारपस्सी, सेतेणद्वेणं गोयमा ! एवं वुच्चति ० ।
१९६१. मणूसा जहा जीवा (सु. १९५४) ।
१९६२. अवसेसा जहा रइया (सु. १९५५) जाव वेमाणिया ।
[ सुत्ताई १९६३-६४. केवलिउव ओगपरूवणं ]
१९६३. केवली णं भंते! इमं रयणप्पभं पुढविं आगारेहिं हेतू हिं १० उवमाहिं दितेहिं वण्णेहिं संठाणेहिं पमाणेहिं पडोयारेहिं जं समयं जाणति तं समयं पासति जं समयं पासति तं समयं जाणति ? गोयमा ! णो इणट्ठे समट्ठे । से केणणं भंते ! एवं वुञ्चति केवली णं इमं रयणप्पभं पुढविं आगारेहिं जाव जं समयं जाणति णो तं समयं पासति जं समयं पासति णो त समयं जाणति ? गोयमा ! सागारे से णाणे भवति अणागारे से दंसणे भवति, सेतेणद्वेणं जाव णो तं समयं जाणति । एवं जाव असत्तमं । एवं सोहम्मं कप्पं जाव अच्चुयं गेवेज्ज - गविमीणा अणुत्तरविमाणा ईसीपव्भारं पुढविं परमाणुपोग्गलं दुपएसियं खंधं जाव अणंतपदेसियं खंधं ।
१५
[ सु. १९५९ -
१९६४. केवली णं भंते ! इमं रयणप्पभं पुढविं अणागारेहिं अहेतू हिं अणुवमाहिं अदिट्टंतेहिं अवण्णेहिं असंठाणेहिं अपमाणेहिं अपडोयारेहिं पासति, ण २० जाणति ? हंता गोयमा ! केवली णं इमं रयणप्पभं पुढविं अणागारेहिं जाव पासति, ण जाणइ । से केणट्टेणं भंते ! एवं वुञ्चति केवली णं इमं रयणप्पभं पुढविं अणागारेहिं जाव पासति, ण जाणइ ? गोयमा ! अणागारे से दंसणे भवति सागारे से णाणे भवति, सेतेणट्ठेणं गोयमा ! एवं वुच्चति केवली णं इमं रयणप्पभं पुढविं अणागारेहिं जाव पासति, ण जाणति । एवं जाव ईसीपब्भारं पुढविं २५ परमाणुपोग्गलं अणंतपदेसियं खंधं पासइ, ण जाणइ ।
॥ पण्णवणाए भगवतीए तीसइमं पासणयापयं समत्तं ॥
१ - २. विमाणे पु२ ॥
Jain Education International
For Private & Personal Use Only
www.jainelibrary.org
