________________
जीवाईस पालणयाभेय- पभेयपरूवणाइ ।
१९४८. बेइंदियाणं भंते ! सागारपासणता कतिविहा पण्णत्ता ? गोयमा ! दुविहा पण्णत्ता । तं जहा - सुतणाणसागारपासणता य सुयअण्णाणसागारपासणता य । १९४९. एवं तेइंदियाण वि ।
१९५०. चउनिंदियाणं पुच्छा । गोयमा ! दुविहा पण्णत्ता । तं जहासागारपासणता य अणागारपासणता य । सागारपासणया जहा बेइंदियाणं ५ (सु. १९४७-४८) ।
१९५१. चउरिंदियाणं भंते! अणागारपासणता कतिविहा पण्णत्ता ? गोयमा ! एगा चक्खुदंसणअणागारपासणया पण्णत्ता ।
१९५८]
४११
१९५२. मणूसाणं जहा जीवाणं (सु. १९३९) ।
१९५३. सेसा जहा णेरइया (सु. १९४० - ४२ ) जाव वेमाणिया ।
१०
[ सुत्ताई १९५४ - ६२. जीवाईसु परिसभेयपरूवणं ]
१९५४. जीवा णं भंते! किं सागारपस्सी अणागारपस्सी ? गोयमा ! जीवा सागारपस्सी व अणागारपस्सी वि । से केणणं भंते ! एवं वुच्चति जीवा सागारपस्सी वि अणागारपस्सी वि ? गोयमा ! जे णं जीवा सुयणाणी ओहिणाणी मणपज्जवणाणी केवलणाणी सुयअण्णाणी विभंगणाणी ते णं जीवा सागारपस्सी, जे णं जीवा चक्खुदंसणी ओहिदंसणी केवलदंसणी ते णं जीवा अणागारपस्सी, सेणणं गोयमा ! एवं वुञ्चति जीवा सागारपस्सी वि अणागारपस्सी वि ।
१५
१९५५ णेरइया णं भंते! किं सागारपस्सी अणागारपस्सी ? गोयमा ! एवं चैव । णवरं सागारपासणताए मणपजवणाणी केवलणाणी ण वुचंति, अणागारपासताए केवल दंसणं णत्थि ।
Jain Education International
१९५६. एवं जाव थणियकुमारा ।
१९५७. [१] पुढविक्काइयाणं पुच्छा। गोयमा ! पुढविक्काइया सागारपस्सी, णो अणागारपस्सी । से केणट्टेणं भंते ! एवं वुच्चति ? गोयमा ! पुढविक्काइयाणं एगा सुयअण्णाणसागारपासणया पण्णत्ता, सेतेणट्टेणं गोयमा ! एवं वुच्चति० । [२] एवं जाव वणस्सतिकाइया ।
२५
१९५८. बेइंदियाणं पुच्छा । गोयमा ! सागारपस्सी, णो अणागारपस्सी । से केणणं भंते ! एवं वुच्चति ? गोयमा ! बेइंदियाणं दुविहा सागारपासणया पण्णत्ता । तं जहा - सुयणाणसागारपासणया य सुयअण्णाणसागारपासणया य, सेतेणट्टेणं गोयमा ! एवं वुच्चति० ।
For Private & Personal Use Only
www.jainelibrary.org
