________________
३७८ पण्णवणासुत्ते तेवीसइमे कम्मपगडिपए बीउद्देसे [सु. १७०८ -
१७०८. [१] एगिंदिया णं भंते ! जीवा सम्मत्तवेयणिज्जस्स कम्मस्स किं बंधति ? गोयमा ! णत्थि किंचि बंधंति ।
[२] एगिदिया णं भंते ! जीवा मिच्छत्तवेयणिज्जस्स कम्मस्स किं बंधति ? गोयमा ! जहण्णेणं सागरोवमं पलिओवमस्स असंखेजइभागेणं ऊणयं, उक्कोसेणं तं चेव पडिपुण्णं बंधंति।
[३] एगिदिया णं भंते ! जीवा सम्मामिच्छत्तवेयणिजस्स किं बंधति ? गोयमा ! णत्थि किंचि बंधति ।
[४] एगिंदिया णं भंते ! कसायबारसगस्स किं बंधति ? गोयमा ! जहण्णेणं सागरोवमस्स चत्तारि सत्तभागे पलिओवमस्स असंखेजइभागेणं ऊणए, उक्कोसेणं ते १० चेव पडिपुण्णे बंधंति ।
[५] एवं कोहसंजलणाए वि जाव लोभसंजलणाए वि । [६] इत्थिवेयस्स जहा सायावेयणिज्जस्स (सु. १७०७ [१])।
[७] एगिदिया पुरिसवेदस्स कम्मस्स जहण्णेणं सागरोवमस्स एक्कं सत्तभागं पलिओवमस्स असंखेजइभागेणं ऊणयं, उक्कोसेणं तं चेव पडिपुण्णं बंधति । १६ [८] एगिदिया णपुंसगवेदस्स कम्मस्स जहण्णेणं सागरोवमस्स दो
सत्तभागे पलिओवमस्स असंखेजइभागेणं ऊणए, उक्कोसेणं ते चेव पडिपुण्णे बंधति ।
[९] हास-रतीए जहा पुरिसवेयस्स (सु. १७०८ [७])। [१०] अरति-भय-सोग-दुगुंछाए जहा णपुंसगवेयस्स (सु.१७०८[८])।
१७०९. णेरइयाउअ देवाउअ णिरयगतिणाम देवगतिणाम वेउब्वियसरीरणाम आहारगसरीरणाम णेरइयाणुपुविणाम देवाणुपुविणाम तित्थगरणाम एयाणि पयाणि ण बंधंति।
१७१०. तिरिक्खजोणियाउअस्स जहण्णेणं अंतोमुहुत्तं, उक्कोसेणं पुवकोडी सत्तहिं वाससहस्सेहिं वाससहस्सतिभागेण य अहियं बंधंति । एवं २५ मणुस्साउअस्स वि।
१७११. [१] तिरियगतिणामाए जहा णपुंसगवेदस्स (सु. १७०८ [८])। मणुयगतिणामाए जहा सातावेदणिज्जस्स (सु. १७०७[१])।
[२] एगिंदियजाइणामाए पंचेंदियजातिणामाए य जहा णपुंसगवेदस्स । बेइंदिय-तेइंदियजातिणामाए जहण्णेणं सागरोवमस्स णव पणतीसतिभागे पलिओवमस्स
Jain Education International
For Private & Personal Use Only
www.jainelibrary.org
