________________
३५८
५.
१५
पण्णवणासुते बावीस मे किरियापर
[ सुत्ताई १६२८-३६. जीवाईसु किरियाणं सहभावपरूवणं ]
१६२८. जस्स णं भंते! जीवस्स आरंभिया किरिया कज्जति तस्स पारिग्गहिया किरिया कज्जति ? जस्स पारिग्गहिया किरिया कज्जइ तस्स आरंभिया किरिया कज्जति ? गोयमा ! जस्स णं जीवस्स आरंभिया किरिया कज्जति तस्स पारिग्गहिया किरिया सिय कज्जति सिय णो कज्जइ, जस्स पुण पारिग्गहिया किरिया कज्जइ तस्स आरंभिया किरिया नियमा कज्जति ।
१६२९. जस्स णं भंते! जीवस्स आरंभिया किरिया कज्जति तस्स मायावत्तिया किरिया कज्जइ ? ० पुच्छा । गोयमा ! जस्स णं जीवस्स आरंभिया किरिया कज्जइ तस्स मायावत्तिया किरिया णियमा कज्जइ, जस्स पुण मायावत्तिया १० किरिया कज्जइ तस्स आरंभिया किरिया सिय कज्जइ सिय णो कज्जइ ।
२०
१६३०. जस्स णं भंते! जीवस्स आरंभिया किरिया कज्जइ तस्स अप्पच्चक्खाणकिरिया कज्जइ १० पुच्छा । गोयमा ! जस्स णं जीवस्स आरंभिया किरिया कज्जइ तस्स अप्प चक्खाणकिरिया सिय कज्जइ सिय णो कज्जइ, जस्स पुण अप्पच्चक्खाणकिरिया कज्जति तस्स आरंभिया किरिया णियमा कज्जति ।
[ सु. १६२८
१६३१. एवं मिच्छादंसणवत्तियाए वि समं ।
१६३२. एवं पारिग्गहिया वि तिहिं उवरिल्लाहिं समं चारेयव्वा । १६३३. जस्स मायावत्तिया किरिया कज्जति तस्स उवरिल्लाओ दो वि सिय कजंति सिय णो कज्जंति, जस्स उवरिल्लाओ दो कज्जति तस्स मायावत्तिया नियमा कज्जति ।
१६३४. जस्स अपचक्खाणकिरिया कज्जति तस्स मिच्छादंसणवत्तिया किरिया सिय कज्जइ सिय णो कज्जइ, जस्स पुण मिच्छादंसणवत्तिया किरिया कज्जति तस्स अपचक्खाणकिरिया णियमा कज्जति ।
१६३५. [१] णेरइयस्स आइल्लियाओ चत्तारि परोप्परं णियमा कञ्ज्ञंति, जस्स एताओ चत्तारि कज्जंति तस्स मिच्छादंसणवत्तिया किरिया भइज्जति, जस्स २५ पुणमिच्छादंसणवत्तिया किरिया कज्जति तस्स एयाओ चत्तारि णियमा कति । [२] एवं जाव थणियकुमारस्स ।
[३] पुढविक्वाइयस्स जाव चउरिदियस्स पंच वि परोप्परं णियमा कज्जति ।
१. क्खाणिया कि जे० ॥
Jain Education International
For Private & Personal Use Only
www.jainelibrary.org
