________________
३१४
पण्णवणासुत्ते अट्ठारसमे कायटिइपए [सु. १३६२ - - [सुत्ताई १३६२-६३. तेरसमं उवओगदारं]
१३६२. सागारोवउत्ते णं भंते ! • पुच्छा। गोयमा ! जहण्णेण वि उक्कोसेण वि अंतोमुहुत्तं । १३६३. अणागारोवउत्ते वि एवं चेव । दारं १३ ॥
[सुत्ताई १३६४-७३. चोद्दसमं आहारदारं] १३६४. आहारए णं भंते !• पुच्छा। गोयमा ! आहारए दुविहे पण्णत्ते । तं जहा–छउमत्थआहारए य केवलिआहारए य ।
१३६५. छउमत्थाहारए णं भंते ! छउमत्थाहारए ति कालओ केवचिरं होइ ? गोयमा ! जहण्णेणं खुड्डागभवग्गहणं दुसमऊणं, उक्कोसेणं असंखेनं कालं, १० असंखेजाओ उस्सप्पिणि-ओसप्पिणीओ कालतो, खेत्ततो अंगुलस्स असंखेज्जइभागं ।
१३६६. केवलिआहारए णं भंते ! केवलिआहारए त्ति कालतो केवचिरं होइ ? गोयमा ! जहण्णेणं अंतोमुहुतं, उक्कोसेणं देसूणं पुवकोडिं ।
१६६७. अणाहारए णं भंते! अणाहारएं ति० पुच्छा। गोयमा! अणाहारए दुविहे पण्णत्ते। तं जहा–छउमत्थअणाहारए य १ केवलिअणाहारए य २।
१३६८. छउमत्थअणाहारए णं भंते !० पुच्छा । गोयमा ! जहण्णेणं एक्कं समयं, उक्कोसेणं दो समया।।
१३६९. केवलिअणाहारए णं भंते ! केवलिअणाहारए त्ति कालओ केवचिरं होइ ? गोयमा! केवलिअणाहारए दुविहे पण्णत्ते। तं जहा-सिद्धकेवलिअणाहारए य १ भवत्थकेवलिअणाहारए य २।
१३७०. सिद्धकेवलिअणाहारए णं० पुच्छा। गोयमा ! सादीए अपजवसिए।
१३७१. भवत्थकेवलिअणाहारए णं भंते !० पुच्छा। गोयमा! भवत्थकेवलिअणाहारए दुविहे पण्णत्ते। तं जहा-सजोगिभवत्थकेवलिअणाहारए य १ अजोगिभवत्थकेवलिअणाहारए य २।।
१३७२. सजोगिभवत्थकेवलिअणाहारए णं भंते !• पुच्छा। गोयमा ! अजहण्णमणुक्कोसेणं तिण्णि समया।
१. गारोवओगोवउत्ते मु० ॥ २. ए त्ति० ? अणाहारए दु जे० ध०॥
Jain Education International
For Private & Personal Use Only
www.jainelibrary.org
