________________
१०
१३६१] ९-१२. सम्मत्त-णाण दंसण-संजयदाराई।
३१३ णं जे से सादीए सपज्जवसिए से जहण्णेणं अंतोमुहुत्तं, उक्कोसेणं अणंतं कालं, अणंताओ उस्सप्पिणि-ओसप्पिणीओ कालओ, खेत्तओ अवडूं पोग्गलपरियटै देसूणं ।
१३५३. विभंगणाणी णं भंते ! ० पुच्छा । गोयमा ! जहण्णेणं एवं समयं, उक्कोसेणं तेत्तीसं सागरोवमाई देसूणाए पुव्वकोडीए अब्भइयाइं। दारं १०॥
[सुत्ताई १३५४-५७. एक्कारसमं दंसणदारं] १३५४. चक्खुदंसणी णं भंते ! • पुच्छा । गोयमा ! जहण्णेणं अंतोमुहुत्तं, उक्कोसेणं सागरोवमसहस्सं सातिरेगं ।
१३५५. अचक्खुदंसणी णं भंते ! अचक्खुदंसणीति कालओ केवचिरं होइ ? गोयमा ! अचक्खुदंसणी दुविहे पण्णत्ते । तं जहा–अणादीए वा अपज्जवसिए १ अणादीए वा सपजवसिए २।
१३५६. ओहिदंसणी णं० पुच्छा। गोयमा ! जहण्णेणं एकं समयं, उक्कोसेणं दो छावट्ठीओ सागरोवमाणं सातिरेगाओ।
१३५७. केवलदंसणी णं० पुच्छा। गोयमा ! सादीए अपज्जवसिए । दारं ११॥
[सुत्ताई १३५८-६१. बारसमं संजयदारं] १३५८. संजए णं भंते ! संजते त्ति० पुच्छा । गोयमा ! जहण्णेणं एक्कं समयं, उक्कोसेणं देसूणं पुवकोडिं।
१३५९. असंजए णं भंते ! असंजए त्ति० पुच्छा। गोयमा ! असंजए तिविहे पण्णत्ते । तं जहा-अणादीए वा अपज्जवसिए १ अणादीए वा सपज्जवसिए २ सादीए वा सपज्जवसिए ३ । तत्थ णं जे से सादीए सपज्जवसिए से जहण्णेणं अंतोमुहुत्तं, उक्कोसेणं अणंतं कालं, अणंताओ उस्सप्पिणि-ओसप्पिणीओ कालतो, खेत्ततो अवडूं पोग्गलपरियटें देसूणं ।
१३६०. संजयासंजएं जहण्णेणं अंतोमुहुत्तं, उक्कोसेणं देसूणं पुवकोडिं ।
१३६१. णोसंजए णोअसंजए णोसंजयासंजए णं० पुच्छा। गोयमा ! सादीए अपज्जवसिए । दारं १२॥
१. दंसणि त्ति म० पु१ पु२ पु३॥ २. °ए णं पुच्छा। गो० ! जह° मु० ॥
Jain Education International
For Private & Personal Use Only
www.jainelibrary.org
