________________
१३००]
३-४. इंदिय-कायदाराई। १२८७. एवं आउ-तेउ-वाउक्काइया वि।
१२८८. वणप्फइकाइया णं ० पुच्छा । गोयमा ! जहण्णेणं अंतोमुहुत्तं, उक्कोसेणं अणंतं कालं, अणंताओ उस्सप्पिणि-ओसप्पिणीओ कालओ, खेत्तओ अणंता लोगा, असंखेजा पोग्गलपरियट्टा, ते णं पोग्गलपरियट्टा आवलियाए असंखेजइभागो।
१२८९. तसकाइए णं भंते! तसकाइए ति ० पुच्छा। गोयमा ! जहण्णेणं अंतोमुहुत्तं, उक्कोसेणं दो सागरोवमसहस्साई संखेन्जवासअब्भइयाइं।
१२९०. अकाइए णं भंते ! • पुच्छा। गोयमा ! अकाइए सादीए अपज्जवसिए ।
१२९१. सकाइयअपजत्तए णं • पुच्छा। गोयमा ! जहण्णेण वि १० उक्कोसेण वि अंतोमुहुत्तं।
१२९२. एवं जाव तसकाइयअपजत्तए।
१२९३. सकाइयपज्जत्तए णं ० पुच्छा। गोयमा ! जहण्णेणं अंतोमुहुत्तं, उक्कोसेणं सागरोवमसयपुहत्तं सातिरेगं ।
१२९४. पुढविक्काइयपज्जत्तए णं ० पुच्छा ! गोयमा! जहण्णेणं अंतोमुहुत्तं, १५ उक्कोसेणं संखेजाइं वाससहस्साई।
१२९५. एवं आऊ वि।
१२९६. तेउक्काइयपज्जत्तए णं ० पुच्छा । गोयमा ! जहण्णेणं अंतोमुहुत्तं, उक्कोसेणं संखेजाई राइंदियाई ।
१२९७. वाउक्काइयपजत्तए णं ० पुच्छा । गोयमा ! जहण्णेणं अंतोमुहुत्तं, २० उक्कोसेणं संखेजाइं वाससहस्साइं।
१२९८. वणप्फइकाइयपजत्तए णं ० पुच्छा। गोयमा ! जहण्णेणं अंतोमुहुत्तं, उक्कोसेणं संखेन्जाइं वाससहस्साई ।
१२९९. तसकाइयपज्जत्तए णं ० पुच्छा। गोयमा ! जहण्णेणं अंतोमुहुत्तं, उक्कोसेणं सागरोवमसयपुहत्तं सातिरेगं ।
१३००. सुहुमे णं भंते ! सुहुमे ति कालओ केवचिरं होति ? गोयमा ! जहण्णेणं अंतोमुहुत्तं, उक्कोसेणं असंखेनं कालं असंखेजाओ उस्सप्पिणि-ओसप्पिणीओ कालओ, खेत्तओ असंखेजा लोगा।
२५
Jain Education International
For Private & Personal Use Only
www.jainelibrary.org
