________________
१२७२] १-३. जीव-गइ-इंदियदाराई।
३०५ १२६४. [१] देवे णं भंते ! देवे त्ति कालओ केवचिरं होइ ? गोयमा ! जहेव णेरइए (सु. १२६१)।
[२] देवी णं भंते ! देवीति कालओ केवचिरं होइ ? गोयमा! जहण्णेणं दस वाससहस्साई, उक्कोसेणं पणपण्णं पलिओवमाइं।
१२६५. सिद्धे णं भंते ! सिद्धे ति कालओ केवचिरं होइ ? गोयमा ! ५ सादीए अपज्जवसिए।
१२६६. [१] गैरइयअपज्जत्तए णं भंते! णेरइयअपज्जत्तए त्ति कालओ केवचिरं होइ ? गोयमा! जहण्णण वि उक्कोसेण वि अंतोमुहत्तं ।
[२] एवं जाव देवी अपज्जत्तिया ।
१२६७. णेरइयपज्जत्तए णं भंते! णेरड्यपज्जत्तए त्ति कालओ केवचिरं १० .. होइ ? गोयमा ! जहण्णेणं दस वाससहस्साई अंतोमुहुत्तूणाई, उक्कोसेणं तेत्तीसं सागरोवमाइं अंतोमुहुत्तूणाई।
१२६८. [१] तिरिक्खजोणियपज्जत्तए णं भंते! तिरिक्खजोणियपज्जत्तए त्ति कालओ केवचिरं होइ ? गोयमा! जहण्णेणं अंतोमुहत्तं, उक्कोसेणं तिण्णि पलिओवमाइं अंतोमुहुत्तूणाई।
[२] एवं तिरिक्खजोणिणिपज्जत्तिया वि। १२६९. मणूसे मणूसी वि एवं चेव। १२७०. [१] देवपजत्तए जहा णेरइयपज्जत्तए (सु. १२६७)।
[२] देविपन्जत्तिया णं भंते ! देविपज्जत्तिय त्ति कालओ केवचिरं होइ ? गोयमा ! जहण्णेणं दस वाससहस्साइं अंतोमुहुत्तूणाई, उक्कोसेणं पणपण्णं २० पलिओवमाइं अंतोमुहुत्तूणाई । दारं २ ॥
[१२७१-८४. तइयं इंदियदारं] १२७१. सइंदिए णं भंते ! सइंदिए ति कालओ केवचिरं होइ ? गोयमा ! सइंदिए दुविहे पण्णत्ते । तं जहा–अणाईए वा अपज्जवसिए १ अणादीए वा सपज्जवसिए २।
१२७२. एगिदिए णं भंते ! एगिदिए त्ति कालओ केवचिरं होइ ? गोयमा ! जहण्णेणं अंतोमुहुत्तं, उक्कोसेणं अणंतं कालं वणप्फइकालो ।
२०
Jain Education International
For Private & Personal Use Only
www.jainelibrary.org
