________________
१८. अट्ठारसमं कायट्टिइपयं [सुत्तं १२५९. अट्ठारसमपयस्स अत्थाहिगारपरूवणं] १२५९. जीव १ गतिंदिय २-३ काए ४
जोगे ५ वेदे ६ कसाय ७ लेस्सा ८ य । सम्मत्त ९ णाण १० दंसण ११
संजय १२ उवओग १३ आहारे १४ ॥ २११ ॥ भासग १५ परित्त १६ पज्जत्त १७ सुहुम १८ सण्णी १९ भवऽत्थि २०-२१ चरिमे २२ य । एतेसिं तु पदाणं कायठिई होति णायव्वा ॥ २१२॥
[सुत्तं १२६०. पढमं जीवदारं] १२६०. जीवे णं भंते ! जीवे त्ति कालओ केवचिरं होइ ? गोयमा ! सव्वद्धं । दारं १॥
[सुत्ताई १२६१-७०. बीयं गइदारं] १२६१. णेरइए णं भंते ! नेरइए त्ति कालओ केवचिरं होइ ? गोयमा ! १५ जहण्णेणं दस वाससहस्साई, उक्कोसेणं तेत्तीसं सागरोवमाइं ।
१२६२ [१]. तिरिक्खजोणिए णं भंते ! तिरिक्खजोणिए त्ति कालओ केवचिरं होइ ? गोयमा ! जहण्णेणं अंतोमुहुत्तं, उक्कोसेणं अणंतं कालं, अणंताओ उस्सप्पिणि-ओसप्पिणीओ कालतो, खेत्तओ अणंता लोगा, असंखेजा पोग्गलपरियट्टा, ते णं पोग्गलपरियट्टा आवलियाए असंखेजतिभागो।
[२] तिरिक्खजोणिणी णं भंते ! तिरिक्खजोणिणीति कालओ केवचिरं होइ ? गोयमा ! जहण्णेणं अंतोमुहुत्तं, उक्कोसेणं तिण्णि पलिओवमाइं पुवकोडिपुहुत्तंअभइयाई।
१२६३. [१] एवं मणूसे वि। [२] मणूसी वि एवं चेव।
१. भागे पु२॥ २. °त्तमब्भहियाई जे० विना ॥
Jain Education International
For Private & Personal Use Only
www.jainelibrary.org
