________________
९५७ ]
मणुस्साईणं परिणामा ।
९४९. गतिपरिणामे णं भंते! कतिविहे पण्णत्ते ? गोयमा ! दुविहे पण्णत्ते । तं जहा - फुसमाणगतिपरिणामे य अफुसमाणगतिपरिणामे य, अहवा दीगइपरिणामे य हस्सगइपरिणामे य ।
९५०. संठाणपरिणामे णं भंते ! कतिविहे पण्णत्ते ? गोयमा ! पंचविहे पण्णत्ते । तं जहा - परिमंडलसंठाणपरिणामे जाव आययसंठाणपरिणामे ।
९५१. भेयपरिणामे णं भंते ! कतिविहे पण्णत्ते ? गोयमा ! पंचविहे पण्णत्ते । तं जहा–खंडाभेदपरिणामे जाव उक्करियाभेदपरिणामे ।
९५२. वण्णपरिणामे णं भंते! कितिविहे पण्णत्ते ? गोयमा ! पंचविहे पण्णत्ते । तं जहा-कालवण्णपरिणामे जाव सुक्किलवण्णपरिणामे ।
९५३. गंधपरिणामे णं भंते ! कतिविहे पण्णत्ते ? गोयमा ! दुविहे १० - पण्णत्ते । तं जहा - सुब्भिगंधपरिणामे य दुब्भिगंधपरिणामे य ।
९५४. रसपरिणामे णं भंते ! कतिविहे पण्णत्ते ? गोयमा ! पंचविहे पण्णत्ते। तं जहा-तित्तरसपरिणामे जाव महुररसपरिणामे ।
९५५. फासपरिणामे णं भंते ! कतिविहे पण्णत्ते ? गोयमा ! अट्ठविहे पण्णत्ते । तं जहा-कक्खडफासपरिणामे य जाव लुक्खफासपरिणामे य ।
१५
९५६. अगरुयलहुयपरिणामे णं भंते ! कतिविहे पण्णत्ते ? गोयमा ! गागारे पण्णत्ते ।
९५७. सद्दपरिणामे णं भंते ! कतिविहे पण्णत्ते ? गोयमा ! दुविहे पण्णत्ते । तं जहा - सुब्भिसद्दपरिणामे य दुब्भिसद्दपरिणामे य । से त्तं अजीवपरिणामे ।
1
॥ पण्णवणाप भगवईए तेरसमं परिणामपयं समत्तं ॥
१. उक्कारिया पु२ विना ॥
Jain Education International
२३३
For Private & Personal Use Only
२०
www.jainelibrary.org
