________________
२१६
पण्णवणासुत्ते एकारसमे भासापए [सु. ८७६ - पि भासं भासंति, मोसं पि भासं भासंति, सच्चामोसं पि भासं भासंति, असच्चामोसं पि भासं भासंति ।
८७६. मणुस्सा जाव वेमाणिया एए जहा जीवा (सु. ८७१) तहा भाणियव्वा। ५ [सुत्ताई ८७७-८९५. भासादव्यगहणाइपरूवणं]
८७७. [१] जीवे णं भंते ! जाइं दव्वाइं भासत्ताए गेण्हति ताई किं ठियाइं गेण्हति ? अठियाइं गेण्हति ? गोयमा ! ठियाई गेण्हति, णो अठियाई गेण्हति।
[२] जाइं भंते ! ठियाइं गेण्हति ताई किं दवओ गेण्हति ? खेत्तओ गेण्हति ? कालओ गेण्हति ? भावओ गेण्हति ? गोयमा ! दव्वओ वि गेण्हति, १० खेत्तओ वि गेण्हति, कालओ वि गेण्हति, भावओ वि गेण्हति।
[३] जाइं दव्वओ गेण्हति ताई किं एगपएसियाइं गिण्हति दुपएसियाई गेण्हति जाव अणंतपएसियाई गेण्हति ? गोयमा ! णो एगपएसियाई गेण्हति जाव णो असंखेजपएसियाई गेण्हति, अणंतपएसियाइं गेण्हति ।
[४] जाइं खेत्तओ गेण्हति ताइं किं एगपएसोगाढाइं गेण्हति १५ दुपएसोगाढाई गेण्हति जाव असंखेजपएसोगाढाइं गेहति ? गोयमा ! णो
एगपएसोगाढाइं गेण्हति जाव णो संखेजपएसोगाढाइं गेहति, असंखेजपएसोगाढाइं गेण्हति ।
[५] जाइं कालओ गेण्हति ताइं किं एगसमयद्वितीयाइं गेण्हति दुसमयठितीयाई गेण्हति जाव असंखेजसमयठितीयाइं गेण्हति ? गोयमा ! एगसमय२० ठितीयाई पि गेण्हति, दुसमयठितीयाई पि गेण्हति, जाव असंखेजसमयठितीयाई पि गेण्हति ।
[६] जाइं भावओ गेण्हति ताई किं वण्णमंताई गेण्हति गंधमंताई गेण्हति रसमंताई गेण्हति फासमंताई गेण्हति ? गोयमा ! वण्णमंताई पि गेण्हति जाव फासमंताई पि गेण्हति ।
[७] जाइं भावओ वण्णमंताई गेण्हति ताई किं एगवण्णाइं गेण्हति जाव पंचवण्णाइं गेण्हति ? गोयमा ! गहणदव्वाइं पडुच्च एगवण्णाई पि गेण्हति जाव पंचवण्णाई पि गेण्हति, सबग्गहणं पडुच्च णियमा पंचवण्णाइं गेण्हति, तं जहा-कालाइं नीलाइं लोहियाइं हालिदाइं सुक्किलाई।
[८] जाई वण्णओ कालाइं गेण्हति ताई कि एगगुणकालाई गेण्हति
Jain Education International
For Private & Personal Use Only
www.jainelibrary.org
