________________
८. अट्ठमं सण्णापयं
[सुत्तं ७२५. सण्णाभेयपरूवणं] ७२५. कति णं भंते ! सण्णाओ पण्णताओ १ गोयमा ! दस सण्णाओ पण्णत्ताओ। तं जहा-आहारसण्णा १ भयसण्णा २ मेहुणसण्णा ३ परिग्गहसण्णा ५ ४ कोहसण्णा ५ माणसण्णा ६ मायासण्णा ७ लोभसण्णा ८ लोगसण्णा ९ ओघसण्णा १० ।
[सुत्ताई ७२६-७२९. नेरइयाईणं सण्णाओ] ७२६. नेरइयाणं भंते ! कति सण्णाओ पण्णत्ताओ ? गोयमा ! दस सण्णाओ पण्णत्ताओ । तं जहा-आहारसण्णा १ भयसण्णा २ मेहुणसण्णा ३ परिग्गहसण्णा ४ कोहसण्णा ५ माणसण्णा ६ मायासण्णा ७ लोभसण्णा ८ लोगसण्णा ९ ओघसण्णा १० ।
७२७. असुरकुमाराणं भंते ! कति सण्णाओ पण्णत्ताओ ? गोयमा ! दस सण्णाओ पण्णत्ताओ। तं जहा-आहारसण्णा जाव ओघसण्णा ।
७२८. एवं जाव थणियकुमाराणं । ७२९. एवं पुढविकाइयाणं वेमाणियावसाणाणं णेयव्वं ।
[सुत्ताई ७३०-७३१. नेरइयाणं सण्णावियारो]
७३०. नेरइया णं भंते ! किं आहारसण्णोवउत्ता भयसण्णोवउत्ता मेहुणसण्णोवउत्ता परिग्गहसण्णोवउत्ता? गोयमा! ओसण्णकारणं पडुच्च भयसण्णोवउत्ता, संतइभावं पडुच्च आहारसण्णोवउत्ता वि जाव परिग्गहसण्णोवउत्ता वि ।
७३१. एतेसि णं भंते ! नेरइयाणं आहारसण्णोवउत्ताणं भयसण्णोवउत्ताणं मेहुणसण्णोवउत्ताणं परिग्गहसण्णोवउत्ताण य कतरे कतरेहिंतो अप्पा वा बहुया वा तुला वा विसेसाहिया वा ? गोयमा ! सव्वत्थोवा नेरइया मेहुणसण्णोवउत्ता, आहारसण्णोवउत्ता संखेजगुणा, परिग्गहसण्णोवउत्ता संखेनगुणा, भयसण्णोवउत्ता संखेजगुणा। .
१. उस्सण जे० ध०॥
Jain Education International
For Private & Personal Use Only
www.jainelibrary.org
