________________
पण्णवणासुत्ते पंचमे विसेसपए [सु. ५३२ - ५३२. [१] जहण्णठितीयाणं भंते ! परमाणुपोग्गलाणं पुच्छा । गोयमा ! अणंता । से केणद्वेणं ? गोयमा ! जहण्णठितीए परमाणुपोग्गले जहण्णठितीयस्स परमाणुपोग्गलस्स दव्वट्ठयाए तुल्ले, पदेसट्टयाए तुले, ओगाहणट्ठयाए तुले, ठितीए तुल्ले, वण्णादि-दुफासेहि य छट्ठाणवडिते ।
[२] एवं उक्कोसठितीए वि। [३] अजहण्णमणुक्कोसठितीए वि एवं चेव । नवरं ठितीए चउट्ठाणवडिते।
५३३. [१] जहण्णठितीयाणं दुपएसियाणं पुच्छा । गोयमा ! अणंता। से केणद्वेणं भंते ! १ गोयमा ! जहण्णठितीए दुपएसिते जहण्णठितीयस्स दुपएसियस्स
दव्वट्ठयाए तुल्ले, पदेसट्टयाए तुल्ले, ओगाहणट्ठयाए सिय हीणे सिय तुल्ले सिय १० अब्भहिए-जति हीणे पदेसहीणे, अह अब्भतिए पदेसब्भतिते; ठितीए तुल्ले, वण्णादि-चउप्फासेहि य छट्ठाणवैडिते।
[२] एवं उक्कोसठितीए वि। [३] अजहण्णमणुक्कोसठितीए वि एवं चेव । नवरं ठितीए चउठाणवडिते।
५३४. एवं जाव दसपदेसिते । नवरं पदेसपरिवूडी कातव्वा । ओगाहण१५ ट्ठयाए तिसु वि गमएसु जाव दसपएसिए णव पएसा वडिजंति ।
५३५. [१] जहण्णहितीयाणं भंते ! संखेजपदेसियाणं पुच्छा । गोयमा ! अणंता । से केणटेणं ? गोयमा ! जहण्णहितीए संखेजपदेसिए खंधे जहण्णठितीयस्स संखेजपएसियस्स खंधस्स दवट्ठयाए तुल्ले, पदेसट्ठयाए दुट्ठाणवडिते, ओगाहणट्टयाए दुट्ठाणवडिते, ठितीए तुल्ले, वण्णादि-चउफासेहि य छट्ठाणवडिते।
[२] एवं उक्कोसठितीए वि। [३] अजहण्णमणुक्कोसद्वितीए वि एवं चेव । नवरं ठितीए चउट्ठाणवडिते।
५३६. [१] जहण्णठितीयाणं असंखेजपएसियाणं पुच्छा। गोयमा ! अणंता । से केणद्वेणं ? गोयमा ! जहण्णठितीए असंखेजपएसिए जहण्णठितीयस्स
असंखेज्जपदेसियस्स दव्वट्ठयाए तुल्ले, पदेसट्ठयाते चउट्ठाणवडिते, ओगाहणट्ठयाते २५ चउट्ठाणवडिते, ठितीए तुल्ले, वण्णादि-उवरिलचउप्फासेहि य छट्ठाणवडिते।
[२] एवं उक्कोसठिईए वि। [३] अजहण्णमणुक्कोसठितीए वि एवं चेव । नवरं ठितीए चउट्ठाणवडिते।
१. वडिए [ग्रन्थानम् ३०००]। एवं उ° पु२॥
Jain Education International
For Private & Personal Use Only
www.jainelibrary.org
www.jainelibrary.org
