________________
५०४] अजीवपजवा।
१५१ [सुत्तं ४९९. ओगाहणाइसु वाणमंतराईणं पजवा] ४९९. [१] वाणमंतरा जहा असुरकुमारा ।
[२] एवं जोइसिया वेमाणिया। नवरं सट्ठाणे ठितीए तिट्ठाणवडिते भाणितव्ये। से तं जीवपज्जवा ।
[सुत्ताई ५००-५५८. अजीवपजवा] ५००. अजीवपजवा णं भंते ! कतिविहा पण्णत्ता ? गोयमा ! दुविहा पण्णत्ता। तं जहा-रूविअजीवपजवा य अरूविअजीवपजवा य ।
५०१. अरूविअजीवपजवा णं भंते ! कतिविहा पण्णत्ता ? गोयमा ! दसविहा पण्णता। तं जहा-धम्मत्थिकाए १ धम्मत्थिकायस्स देसे २ धम्मत्थिकायस्स पदेसा ३ अधम्मत्थिकाए ४ अधम्मत्थिकायस्स देसे ५ अधम्मत्थिकायस्स १० पदेसा ६ आगासत्थिकाए ७ आगासस्थिकायस्स देसे ८ आगासत्थिकायस्स पदेसा ९ अद्धासमए १०।।
५०२. रूविअजीवपज्जवा णं भंते ! कतिविहा पण्णत्ता ? गोयमा ! चउविहा पण्णत्ता। तं जहा-खंधा १ खंधदेसा २ खंधपदेसा ३ परमाणुपोग्गले ४ ।
५०३. ते णं भंते ! किं संखेज्जा असंखेज्जा अणंता ? गोयमा ! नो संखेजा, १५ नो असंखेजा, अणंता। से केणटेणं भंते ! एवं वुच्चति नो संखेज्जा, नो असंखेजा, अणंता ? गोयमा ! अणंता परमाणुपोग्गला, अणंता दुपदेसिया खंधा जाव अणंता दसपदेसिया खंधा, अणंता संखेनपदेसिया खंधा, अणंता असंखेजपदेसिया खंधा, अणंता अणंतपदेसिया खंधा, से तेणटेणं गोयमा! एवं वुच्चति-ते णं नो संखेज्जा, नो असंखेज्जा, अणंता।
२० .५०४. परमाणुपोग्गलाणं भंते ! केवतिया पजवा पण्णत्ता ? गोयमा ! परमाणुपोग्गलाणं अणंता पज्जवा पण्णत्ता । से केणतुणं भंते ! एवं वुञ्चति परमाणुपोग्गलाणं अणंता पन्जवा पण्णत्ता १ गोयमा ! परमाणुपोग्गले परमाणुपोग्गलस्स दव्वट्ठयाते तुले, पदेसट्टयाते तुले, ओगाहणट्ठयाते तुले; ठितीए सिय हीणे सिय तुल्ले सिय अब्भहिते-जति हीणे असंखेजतिभागहीणे वा संखेजतिभागहीणे वा २५ संखेजतिगुणहीणे वा असंखेजतिगुणहीणे वा, अह अब्भतिए असंखेजतिभागअब्भहिए वा संखेजतिभागमभहिए वा संखेजगुणअब्भहिए वा असंखेजगुणअब्भहिते वा; कालवण्णपज्जवेहिं सिय हीणे सिय तुल्ले सिय अमहिए-जति होणे अणंतभागहीणे वा असंखेजतिभागहीणे वा संखेज्जभागहीणे वा संखेजगुणहीणे वा
Jain Education International
For Private & Personal Use Only
www.jainelibrary.org
