________________
१२६
पण्णवणासुत्ते चउत्थे ठिइपए [सु. ३९७ - ३९७. [१] चंदविमाणे णं भंते ! देवाणं पुच्छा । गोयमा ! जहण्णेणं चउभागपलिओवमं, उक्कोसेणं पलिओवमं वाससतसहस्समभहियं ।
[२] चंदविमाणे णं भंते ! अपज्जत्तयदेवाणं पुच्छा । गोयमा ! जहण्णेण वि उक्कोसेण वि अंतोमुहुत्तं ।
[३] चंदविमाणे णं पज्जत्तयाणं देवाणं पुच्छा। गोयमा ! जहण्णेणं चउभागपलिओवमं अंतोमुहुत्तूणं, उक्कोसेणं पलिओवमं वाससतसहस्समब्भहियं अंतोमुहुत्तूणं ।
३९८. [१] चंदविमाणे णं भंते ! देवीणं पुच्छा । गोयमा ! जहण्णेण चउभागपलिओवमं, उक्कोसेणं अद्धपलिओवमं पण्णासाए वाससहस्सेहिमब्भहियं ।
[२] चंदविमाणे णं भंते ! अपज्जत्तियाणं देवीणं पुच्छा। गोयमा ! जहण्णेण वि उक्कोसेण वि अंतोमुहुत्तं ।
[३] चंदविमाणे णं पज्जत्तियाणं देवीणं पुच्छा । गोयमा ! जहण्णेणं चउभागपलिओवमं अंतोमुहुत्तूणं, उक्कोसेणं अद्धपलिओवमं पण्णासाए वाससहस्सेहिं अब्भहियं अंतोमुहुत्तूणं ।
३९९. [१] सूरविमाणे णं भंते ! देवाणं केवतियं कालं ठिती पण्णत्ता ? गोयमा ! जहण्णेणं चउभागपलिओवमं, उक्कोसेणं पलिओवमं वाससहस्समब्भहियं ।
[२] सूरविमाणे अपज्जत्तदेवाणं पुच्छा । गोयमा ! जहण्णेण वि उक्कोसेण वि अंतोमुहुत्तं ।
[३] सूरविमाणे पज्जत्तदेवाणं पुच्छा । गोयमा ! जहण्णेणं चउभाग२० पलिओवमं अंतोमुहुत्तूणं, उक्कोसेणं पलिओवमं वाससहस्समभहियं अंतोमुहुत्तूणं ।
४००. [१] सूरविमाणे देवीणं पुच्छा । गोयमा ! जहण्णेणं चउभागपलिओवमं, उक्कोसेणं अद्धपलिओवमं पंचहिं वाससतेहिमब्भहियं ।
[२] सूरविमाणे अपज्जत्तियाणं देवीणं पुच्छा । गोयमा! जहण्णेण वि उक्कोसेण वि अंतोमुहुत्तं ।
[३] सूरविमाणे पज्जत्तियाणं देवीणं पुच्छा । गोयमा ! जहण्णेणं चउभागपलिओवमं अंतोमुहुत्तूणं, उक्कोसेणं अद्धपलिओवमं पंचहिं वाससतेहिं अब्भहियं अंतोमुहुत्तूणं ।
१. भंते ! केवइयं कालं ठिती पण्णत्ता ? गोयमा ! ध० ॥
Jain Education International
For Private & Personal Use Only
www.jainelibrary.org
