________________
३९६] मणुस्साइठिइपण्णवणा।
१२५ [२] अपज्जत्तयवाणमंतराणं देवाणं पुच्छा। गोयमा ! जहण्णेण वि उक्कोसेण वि अंतोमुहुत्तं ।
[३] पज्जत्तयाणं वाणमंतराणं देवाणं पुच्छा। गोयमा ! जहणणेणं दस वाससहस्साइं अंतोमुहुत्तूणाई, उक्कोसेणं पलिओवमं अंतोमुहुत्तूणं ।
३९४. [१] वाणमंतरीणं भंते ! देवीणं केवतियं कालं ठिती पण्णता ? ५ गोयमा ! जहण्णेणं दस वाससहस्साई, उक्कोसेणं अद्धपलिओवमं ।
[२] अपज्जत्तियाणं भंते ! वाणमंतरीणं देवीणं पुच्छा। गोयमा ! जहण्णेण वि उक्कोसेण वि अंतोमुहुत्तं ।
[३] पज्जत्तियाणं भंते ! वाणमंतरीणं पुच्छा । गोयमा ! जहण्णेणं दस वाससहस्साई अंतोमुहुत्तूणाई, उक्कोसेणं अद्धपलिओवमं अंतोमुहुत्तूणं । १०
[सुत्ताई ३९५-४०६. जोइसियठिइपण्णवणा] ३९५. [१] जोइसियाणं भंते ! देवाणं केवतियं कालं ठिती पण्णत्ता ? गोयमा ! जहण्णेणं पलिओवमट्ठभागो, उक्कोसेणं पलिओवमं वाससतसहस्समभहियं ।
[२] अपज्जत्तयजोइसियाणं पुच्छा । गोयमा ! जहण्णेण वि उक्कोसेण १५ वि अंतोमुहुत्तं ।
[३] पजत्तयजोइसियाणं पुच्छा । गोयमा ! जहण्णेणं पलिओवमट्ठभागो अंतोमुहुत्तूणो, उक्कोसेणं पलिओवमं वाससतसहस्समभहियं अंतोमुहुत्तूणं ।
३९६. [१] जोइसिणीणं भंते ! देवीणं केवतियं कालं ठिती पण्णत्ता ? गोयमा ! जहण्णेणं पलिओवमट्ठभागो, उक्कोसेणं अद्धपलिओवमं पण्णासवास- २० सहस्समभहियं ।
[२] अपज्जत्तियाणं जोइसिणीणं पुच्छा। गोयमा ! जहण्णेण वि उक्कोसेण वि अंतोमुहुत्तं।
[३] पजत्तियाणं जोइसिणीणं पुच्छा। गोयमा ! जहण्णेणं पलिओवमट्ठभागो अंतोमुहुत्तूणो, उक्कोसेणं अद्धपलिओवमं पण्णासाए वाससहस्सेहिं अब्भहियं २५ अंतोमुहुत्तूणं ।
१. जहण्णेणं सातिरेंगं अट्ठभागपलिओवम उक्कोसेणं इति अनुयोगद्वारे पाठः सूत्र ३९० [१]. पृ. १५९ ॥
Jain Education International
For Private & Personal Use Only
www.jainelibrary.org
