________________
२४१]
४. कायदारं। पज्जत्तगा असंखेजगुणा ५, सुहुमवणप्फइकाइया पजत्तया अणंतगुणा ६, सुहुमा पजत्तगा विसेसाधिया ७।
२४०. [१] एतेसि णं भंते ! सुहुमाणं पजत्ताऽपज्जत्तयाणं कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा सुहुमा अपज्जत्तगा, सुहुमा पज्जत्तगा संखेनगुणा।
[२] एतेसि णं भंते ! सुहुमपुढविकाइयाणं पज्जत्ताऽपज्जत्ताणं कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा सुहुमपुढविकाइया अपज्जत्तगा, सुहुमपुढविकाइया पज्जत्तगा संखेजगुणा ।
[३] एतेसि णं भंते ! सुहुमआउकाइयाणं पज्जत्ताऽपज्जत्ताणं कतरे कतरेहिंतो अप्पा वा बहुया वा तुल्ला वा विसेसाधिया वा ? गोयमा ! सव्वत्थोवा १० सुहुमआउकाइया अपज्जत्तया, सुहुमआउकाइया पज्जत्तगा संखेज्जगुणा।
[४] एतेसि णं भंते ! सुहुमतेउकाइयाणं पजत्ताऽपज्जत्ताणं कतरे कतरेहिंतो अप्पा वा बहुया वा तुल्ला वा विसेसाहिया वा गोयमा ! सव्वत्थोवा सुहुमतेउकाइया अपज्जत्तया, सुहुमतेउकाइया पज्जत्तगा संखेजगुणा ।
[५] एएसि णं भंते ! सुहुमवाउकाइयाणं पजत्ताऽपज्जत्ताणं कतरे १५ कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा सुहुमवाउकाइया अपज्जत्तया, सुहुमवाउकाइया पजत्तगा संखेज्जगुणा।
[६] एएसि णं भंते ! सुहुमवणप्फइकाइयाणं पज्जत्ताऽपजत्ताणं कतरे कतरेहिंतो अप्पा वा बहुया वा तुला वा विसेसाहिया वा ? गोयमा ! सव्वत्थोवा सुहुमवणप्फइकाइया अपज्जत्तगा, सुहुमवणप्फइकाइया पज्जत्तगा संखेजगुणा।
[७] एएसि णं भंते ! सुहुमनिगोदाणं पजत्ताऽपज्जत्ताणं कतरे कतरेहितो अप्पा वा बहुया वा तुल्ला वा विसेसाहिया वा १ गोयमा ! सव्वत्थोवा सुहुमनिगोदा अपज्जत्तगा, सुहुमनिगोदा पज्जत्तया संखेजगुणा।
२४१. एतेसि णं भंते ! सुहुमाणं सुहुमपुढविकाइयाणं सुहुमआउकाइयाणं सुहुमतेउकाइयाणं सुहुमवाउकाइयाणं सुहुमवणस्सइकाइयाणं सुहुमनिगोदाण य २५ पज्जत्ताऽपज्जत्ताणं कतरे कतरेहिंतो अप्पा वा बहुया वा तुल्ला वा विसेसाधिया वा ? गोयमा ! सव्वत्थोवा सुहुमतेउकाइया अपजत्तगा १, सुहमपुढविकाइया अपजत्तया विसेसाहिया २, सुहुमआउकाइया अपज्जत्तया विसेसाहिया ३, सुहुमवाउकाइया अपज्जत्तया विसेसाहिया ४, सुहुमतेउकाइया पजत्तगा
Jain Education International
For Private & Personal Use Only
www.jainelibrary.org
