________________
१८९]
वाणमंतरदेवठाणाई। णाणाविहवण्णरागवरवंत्थचित्तचिल्ल[ल]गणियंसणा विविहदेसिणेवच्छगहियवेसा पमुइयकंदप्प-कलह-केलि-कोलाहलप्पिया हास-बोलबहुला असि-मोग्गर-सत्ति-कोंतहत्था अणेगमणि-रयणविविहणिजुत्तविचित्तचिंधगया सुरूवा महिडीया महज्जुतीया महायसा महाबला महाणुभांगा महासोक्खा हारविराइयवच्छा कडय-तुडितथंभियभुया अंगय-कुंडल-मट्टगंडयलकन्नपीढधारी विचित्तहत्थाभरणा विचित्तमाला-मउली ५ कल्लाणगपवरवत्थपरिहिया कल्लाणगपवरमल्लाणुलेवणधरा भासुरबोंदी पैलंबवणमालधरा दिव्वेणं वण्णेणं दिव्वेणं गंधेणं दिव्वेणं फासेणं दिव्वेणं संघयणेणं दिव्वेणं संठाणेणं दिव्वाए इडीए दिव्वाए जुतीए दिव्वाए पभाए दिव्वाए छायाए दिव्वाए अच्चीए दिव्वेणं तेएणं दिव्वाए लेस्साए दस दिसाओ उज्जोवेमाणा पभासेमाणा । ते णं तत्थ साणं साणं भोमेजगणगरावाससतसहस्साणं साणं साणं सामाणियसाहस्सीणं १० साणं साणं अग्गमहिसीणं साणं साणं परिसाणं साणं साणं अणियाणं साणं साणं अणियाधिवतीणं साणं साणं आयरक्खदेवसाहस्सीणं अण्णेसिं च बहूणं वाणमंतराणं देवाण य देवीण य आहेवच्चं पोरेवचं सामित्तं भट्टित्तं महयरगत्तं आणाईसरसेणावचं कारेमाणा पालेमाणा महयाऽहतणट्ट-गीय-वाइयतंती-तल-ताल-तुडियघणमुइंगपडुप्पवाइयरवेणं दिव्वइं भोगभोगाई भुंजमाणा विहरति ।
१८९. [१] कहि णं भंते ! पिसायाणं देवाणं पज्जत्ताऽपजत्ताणं ठाणा पण्णत्ता ? कहि णं भंते! पिसाया देवा परिवसंति ? गोयमा! इमीसे रयणप्पभाए पुढवीए रयणामयस्स कंडस्स जोयणसहस्सबाहल्लस्स उवरिं एगं जोयणसतं ओगाहित्ता हेट्ठा वेगं जोयणसतं वजेत्ता मज्झे अट्ठसु जोयणसएसु, एत्थ णं पिसायाणं देवाणं तिरियमसंखेजा भोमेजणगरावाससतसहस्सा भवंतीति मक्खातं । ते णं भोमेजणगरा २० बाहिं वट्टा जहा ओहिओ भवणवण्णओ (सु. १७७) तहा भाणितव्यो जाव पडिरूवा । एत्थ णं पिसायाणं देवाणं पजत्ताऽपजत्ताणं ठाणा पण्णत्ता। तिसु वि लोगस्स असंखेन्जइभागे। तत्थ णं बहवे पिसाया देवा परिवसंति महिडिया जहा ओहिया जाव (सु. १८८) विहरंति ।
१. °वत्थललंतचित्तरूवगणियं पुर मु० विनाऽन्यत्र, नवरं ध० प्रतौ चित्तदेवालयणियं° इति पाठभेदो वर्तते ॥ २. °सत्तिमोत्थहत्था जे० ॥ ३. °त्तचित्त ध० मु० विना ॥ ४. भावा म० ॥ ५ संगय म०प्र० मु० ॥ ६. °त्तवत्था जे० ध०॥ ७. पलंबमाणवण जे० ॥ ८. साणं असंखेजभोमे मु० ॥ ९. मयहर जे० । महत्तरगत्तं पुर॥ १०. भोमेजा ण ध० ॥ ११. वण्णभो भणितो तहा ध०॥
Jain Education International
For Private & Personal Use Only
www.jainelibrary.org
