________________
१७८ ]
भवणवासिदेवठाणाई ।
दिव्वेणं संघयणेणं दिव्वेणं संठाणेणं दिव्वाए इड्डीए दिव्वाए जुतीए दिव्वाए पभाए दिव्वाए छाया दिव्वा अच्चीए दिव्वेणं तेएणं दिव्वाए लेसाए दसदिसाओ उज्जोवेमाणा पभासेमाणा । ते णं तत्थ साणं साणं भवणावाससयसहस्साणं साणं साणं सामाणियसाहस्सीणं साणं साणं तीयत्तीसगाणं साणं साणं लोगपालाणं साणं साणं अग्गमहिसीणं साणं साणं परिसाणं साणं साणं अणियाणं साणं साणं अणियाहिवतीणं साणं साणं आयरक्खदेवसाहस्सीणं अण्णेसिं च बहूणं भवणवासीणं देवाण य देवीण य आहेवच्चं पोरेवच्चं सामित्तं भट्टित्तं मैहयरगत्तं आणाईसरसेणावच्चं कारेमाणा पालेमाणा महताऽहतनट्ट - गीत-वाइततंती - तल-ताल-तुडिय- घणमुयंगपडुप्पवाइयरवेण दिव्वाइं भोग भोगाई भुंजमाणा विहरंति ।
१७८. [१] कहि णं भंते! असुरकुमाराणं देवाणं पज्जत्ताऽपज्जत्ताणं १० ठाणा पण्णत्ता ? कहि णं भंते! असुरकुमारा देवा परिवसंति ? गोयमा ! इमीसे रतणप्पभाए पुढवीए असीउत्तरजोयणसतसहस्सबाहल्लाए उवरिं एगं जोयणसहस्सं ओगाहित्ता हेवा वेगं जोयणसहस्सं वज्जेत्ता मज्झे अट्ठहत्तरे जोयणसतसहस्से, एत्थ णं असुरकुमाराणं देवाणं चोवकिं भवणावाससतसहस्सा हवंतीति मक्खायं । ते णं भवणा बाहिं वट्टा अंतो चउरंसा अहे पुक्खरकण्णियासंठाणसंठिता १५ उक्कण्णंतरविउल-गंभीरखाय - परिहा पागार-ऽट्टालय-कवाड-तोरण- पडिदुवारदेसभागा जंतसयग्धि- मुसल - मुसुंढिपरियरिया अओज्झा सदाजया सदागुत्ता अडयालकोट्ठगरइया अडयालकयवणमाला खेमा सिवा किंकरामरदंडोवरक्खियालाउलोइयमहिया गोसीस - सरसरत्तचंदणदद्दरदिण्णपंचंगुलितला उवचितचंदणकलसा चंदणघडसुकयतोरणपडिदुवारदेसभागा आसत्तोसत्तविउलवट्टवग्घारिय- २० मल्लदामकलावा पंचवण्णसरससुरभिमुक्कपुप्फपुंजोवयारकलिया कालागरु-पवरकुंदुरुक्क-तुरुधूवमधमर्धेतगंधुद्ध्याभिरामा सुगंधवरगंधगंधिया गंधवट्टिभूता अच्छरगणसंघसंविगिण्णा दिव्वतुडितसद्दसंपणदिया सव्वरयणामया अच्छा सण्हा लण्हा घडा मट्ठा णीया निम्मला निप्पंका णिक्कंकडच्छाया सप्पभ समरीया सउज्जोया पासाईया दरसणिज्जा अभिरुवा पडिरूवा, एत्थ णं असुरकुमाराणं देवाणं पज्जत्ताऽपज्ज - २५ ताणं ठाणा पण्णत्ता । उववाएणं लोयस्स असंखेज्जइभागे, समुग्घाएणं लोयस्स
१. तावन्त्तीसगाणं ध० पु२ । तायत्तीसाणं म० प्र० ॥ २. मयहर ध० विना, नवरं पु२ प्रतौ महत्तरगत्तं इति पाठः ॥ ३. 'य- फलिहा ध० म० ॥ ४. 'कधूवडज्झतमघ' जे० । 'कडज्ांतधूम म० ॥ ५. गंधा' जे० म० प्र० पु२ ॥ ६. भा सस्सिरीया समरीइया सउ° पु२ ॥
Jain Education International
५७
For Private & Personal Use Only
www.jainelibrary.org
