Page Text
________________
पण्णवणासुत्ते बिइए ठाणपए
[सु. १७७यासंठाणसंठिता उक्किण्णंतरविउलगंभीरखात-परिहा पागार-ऽट्टालय-कवाड-तोरणपडिदुवारदेसभागा जंत-सयग्धि-मुसल-मुसंढिपरियरिया अउज्झा सदाता सदागुत्ता अडयालकोट्टगरइया अडयालकयवणमाला खेमा सिवा किंकरामरदंडोवरक्खिया लाउल्लोइयमहिया गोसीस-सरसरत्तचंदणदद्दरदिण्णपंचंगुलितला उवचियचंदणकलसा चंदणघडसुकततोरणपडिदुवारदेसभागा आसत्तोसत्तविउलवट्टवग्धारियमलदामकलावा पंचवण्णसरससुरहिमुक्कपुप्फपुंजोवयारकलिया [ग्रन्थाग्रम् १०००] कालागरु-पवरकुंदुरुक्क-तुरुक्कधूवमघमघेतगंधुद्धयाभिरामा सुगंधवरगंधगंधिया गंधवट्टिभूता अच्छरगणसंघसविगिण्णा दिव्बतुडितसद्दसंपणदिता सव्वरयणामया अच्छा सण्हा लॅण्हा घट्ठा मट्ठा णीरया णिम्मला निप्पंका निकंकडच्छाया संप्पहा संस्सिरिया समरिया सउज्जोया पासातीता देरेसणिज्जा अभिरूवा पडिरूवा, एत्थ णं भवणवासीणं देवाणं पजत्ताऽपजत्ताणं ठाणा पण्णत्ता । उववाएणं लोगस्स असंखेज्जइभागे, समुग्घाएणं लोगस्स असंखेज्जइभागे, सट्ठाणेणं लोयस्स असंखेजइभागे। तत्थ णं बहवे भवणवासी देवा परिवसति । तं जहा
असुरा १ नाग २ सुवाणा ३ विज्जू ४ अग्गी य ५ दीव ६ उदही य ७।
दिसि ८ पवण ९ थणिय १० नामा दसहा एए भवणवासी ॥१३७॥ चूडामणिमउडरयण१-भूसणणागफडर-गरुल३-वइर४-पुण्णकलसविउप्फेस५-सीह६-हयवर७-गयअंक८-मगर९-वद्धमाण१०निज्जुत्तचित्तचिंधगता सुरूवा महिड्डीया महज्जुतीया महायसा महब्बला महाणुभांगा महासोक्खा हारविराइयवच्छा
कडग-तुडियथंभियभुया अंगद-कुंडल-मट्ठगईंतलकण्णपीढधारी विचित्तहत्थाभरणा २० विचित्तमाला-मउलीमउडा कलाणगपवरवत्थपरिहिया कलाणगपवरमल्लाणुलेवणधरा
भाँसुरबोंदी पलंबवणमालधरा दिव्वेणं वण्णेणं दिव्वेणं गंधेणं दिव्वेणं फासेणं
१. उक्किण्णंतरगंभीर इति हरिभद्रटीकायां पाठः ॥ २. °फलिहा इति मलयटीका ॥३. परियारिया जे०। परिवारिया इति पुरसं० मलयटीकायां च ॥ ४. जदा ध० ॥ ५. महल ध०॥ ६. सुगंधिवर ध० ॥ ७. संघसंधिगिद्धा दिव्व जे० । संघविगिण्णा इति पाठानुसारेण मलयटीका ॥ ८. लिट्ठा(लट्ठा) जे० ॥ ९. सप्पहा सस्सिरिया समिरिया सउज्जोता पासादीया दंसणिज्जा ध० म०प्र०॥ १०. सस्सिरिया इत्येतत् पदं पु२ प्रतौ नास्ति, नापि मलयटीकायां व्याख्यातम् ॥ ११. समरीईया पु२, एवमन्यत्रापि ॥ १२. दरिस पुर, एवमन्यत्रापि ॥ १३. भूसणणिउत्तणाग' इति मलयटीकायाम् ॥ १४. °सीह६-मगर७-गयंक८-अस्सवर९-वद्धमाण जे० म०॥ १५. भावा ध०॥ १६. महेसक्खा इति मलयटीकायाम् , महासोक्खा महासक्खा इति पाठभेदद्वयनिर्देशोऽपि तत्र॥ १७. गंडकण्णपीठधारी एतत्पाठानुसारिणी मलयटीका ॥१८. भासर ध०॥
Jain Education International
For Private & Personal Use Only
www.jainelibrary.org
| SR No. | 001063 |
| Book Title | Agam 15 Upang 04 Pragnapana Sutra Part 01 |
| Original Sutra Author | Shyamacharya |
| Author | Punyavijay, Dalsukh Malvania, Amrutlal Bhojak |
| Publisher | Mahavir Jain Vidyalay |
| Publication Year | 1969 |
| Total Pages | 506 |
| Language | Prakrit |
| Classification | Book_Devnagari, Agam, Canon, Metaphysics, & agam_pragyapana |
| File Size | 9 MB |