________________
२०२
अणुओगहारेसु
[सु० ५९६५९६. से किं तं जाणयसरीरभवियसरीरवइरिते दव्वसामाइए ? २ पत्तय-पोत्थयलिहियं । से तं जाणयसरीरभवियसरीरवइरिते दव्वसामाइए । से तं णोआगमतो दव्वसामाइए। से तं दव्वसामाइए।
५९७. से किं तं भावसामाइए ? २ दुविहे पण्णत्ते । तं०-आगमतो ५ य नोआगमतो य।
५९८. से किं तं आगमतो भावसामाइए ? २ भावसामाइयपयत्थाहिकारजाणए उवउत्ते। से तं आगमतो भावसामाइए।
५९९. से किं तं नोआगमतो भावसामाइए ? २
जस्स सामाणिओ अप्पा संजमे णियमे तवे । तस्स सामाइयं होइ, इइ केवलिभासियं ॥१२७॥ जो समो सव्वभूएसु तसेसुं थावरेसु य । तस्स सामाइयं होइ, ईइ केवलिभासियं ॥१२८॥ जह मम ण पियं दुक्खं जाणिय एमेव सव्वजीवाणं । न हणइ न हणावे' य सममणती तेण सो समणो ॥१२९॥ णत्थि य से कोइ वेसो पिओ व सव्वेसु चेर्वं जीवेसु । एएण होइ समणो, एसो अन्नो वि पज्जाओ॥१३०॥ उरग-गिरि-जलण-सागरं नहतल-तरुगणसमो य जो होइ । भमर-मिर्ग-धरणि-जलरुह-रवि-पवणसमो ये सो समणो॥१३१॥ तो समणो जइ सुमणो, भावेण य जइ ण होइ पावमणो।
सयणे य जणे य समो, समो य माणाऽवमाणेसु ॥१३२॥
से तं नोआगमतो भावसामाइए । से तं भावसामाइए। से तं सामाइए । से तं नामनिफेण्णे।
१. एहिं त सं० ॥ २. भोति सं० ॥ ३. एयं के संवा० ॥ ४. सव्वसत्ताणं सं० संवा०॥ ५. वेती सम सं० ॥ ६. °व सत्तेसु सं० । व दब्वेसु संवा० ॥ ७. चूर्णिकृता उदग इति पाठः स्वीकृतोऽस्ति, नोपलब्धोऽयं कचिदादर्शे ॥ ८. जलय-सा खं०॥ ९. र-णभतलतरु जे० वी० । र-गण-तरु° चू०॥१०. मिय-ध संवा० । मित-ध° खं० ॥११. यतो स संवा० वी० सं०॥ १२. फण्णे णिक्खेवे सं० संवा० ॥
Jain Education International
For Private & Personal Use Only
www.jainelibrary.org
