________________
अणुओगहारेसु
[सु० ५१३जुत्तासंखेजयं होइ, अहवा जहन्नयं असंखेज्जासंखेन्जयं रूवूणं उक्कोसयं जुत्तासंखेजयं होति।
५१३. जहण्णयं असंखेज्जासंखेजयं केत्तियं होइ ? जहन्नएणं जुत्तासंखेज्जएणं आवलियो गुणिया अण्णमण्णब्भासो पडिपुण्णो जहण्णयं असंज्जासंखेजयं होइँ, अहवा उक्कोसए जुत्तासंखेजए रूवं पक्खित्तं जहण्णयं असंखेजासंखेज्जयं होति, तेण परं अजहण्णमणुकोसयाइं ठाणाई जाव उक्कोसयं असंखेज्जासंखेजयं ण पावति ।
५१४. उक्कोसयं असंखेज्जासंखेज्जयं केत्तियं होति ? जहण्णयं असंखेजासंखेज्जयं जहण्णयअसंखेजासंखेज्जयमेत्ताणं रासीणं अण्णमण्णब्भासो रवूणो १० उक्कोसयं असंखेज्जासंखेजयं होइ, अहवा जहण्णयं परित्ताणतयं रूवूणं उक्कोसयं अंसंखेज्जासंखेज्जयं होति।
५१५. जहण्णयं परित्ताणतयं केत्तियं होति ? २ जहण्णयं असंखेजासंखजयं जहण्णयअसंखेजासंखेज्जयमेत्ताणं रासीणं अण्णमण्णब्भासो पडिपुण्णो
जहण्णयं परित्ताणंतयं होति, अहवा उक्कोसए असंखेज्जासंखेजए रूवं पक्खित्तं १५ जहण्णयं परित्ताणतयं होई । तेण परं अजहण्णमणुक्कोसयाइं ठाणाई जाव उक्कोसयं परित्ताणतयं ण पावइ।
५१६. उक्कोसयं परित्ताणतयं केत्तियं होइ १ जहण्णयं परित्ताणतयं जहण्णयपरित्ताणतयमेत्ताणं रासीणं अण्णमण्णन्भासो रूवूणो उक्कोसयं परित्ताणतयं होई, अहवा जहण्णयं जुत्ताणतयं बैचूर्ण उक्कोसयं परित्ताणतयं होइ ।
५१७. जहण्णयं जुत्ताणंतयं केत्तियं होति ? जहण्णयं परित्ताणतयं जहण्णयपरित्ताणतयमेत्ताणं रासीणं अण्णमण्णब्भासो पडिपुण्णो जहण्णयं जुत्ताणंतयं होइ, अहवा उक्कोसए परित्ताणतए रूवं पक्खित्तं जहन्नयं जुत्ताणतयं होइ,
१. रूतूणं खं० ॥ २. याए अण्ण° संवा० ॥ ३. भवइ संवा० ॥ ४. °णुकोसाइं संवा० ।। ५. केत्तिल्यं खं० जे० वा०॥ ६. रूतूणो खं० ॥ ७. केतिल्लयं खं० जे० वा० ॥ ८. अनुन्नब्भासो वा०॥ ९. भवइ संवा०॥ १०. केत्तिल्लयं खं० जे० वा० ॥ ११. रूतूणो खं० ॥ १२. भवइ संवा०॥ १३. रूतूणं खं०॥ १४. केत्तिल्लयं खं० जे. वा०॥
Jain Education International
For Private & Personal Use Only
www.jainelibrary.org
