________________
३८५] उवक्त्रमाणुओगदारे कालप्पमाणदारं ।
१५५ पज्जत्तयबादरपुढविकाइयाणं जाव गो०! जहं० अंतोमुहुत्तं उक्कोसेणं बावीसं वाससहस्साइं अंतोमुहुतूणाई।
[२] एवं सेसकाइयाणं पि पुच्छावयणं भाणियव्वं-आउकाइयाणं जाव गो० ! जहं० अंतोमुहुत्तं उक्कोसेणं सत्त वाससहस्साइं । सुहुमआउकाइयाणं ओहियाणं अपज्जत्तयाणं पजत्तयाणं तिण्ह वि जहण्णेण वि अंतोमुहत्तं उक्कोसेण वि ५ अंतोमुहुत्तं । बादरआउकाइयाणं जाव गो० ! जहा ओहियाणं, अपज्जत्तयबादरआउकाइयाणं जाव गो० ! जहं० अंतोमुहुत्तं उक्कोसेण वि अंतोमुहुत्तं, पज्जत्तयबादरआउ० जाव गो० ! जहं० अंतोमुहुत्तं उक्कोसेणं सत्त वाससहस्साई अंतोमुहुत्तूणाई।
[३] तेउकाइयाणं भंते ! जाव गो० ! जहं० अंतोमुहुत्तं उक्कोसेणं १० तिण्णि राइंदियाई । सुहुमतेउकाइयाणं ओहियाणं अपजत्तयाणं पज्जत्तयाण य तिण्ह वि जहं० अंतो० उक्को० अंतो० । बादरतेउकाइयाणं भंते ! जाव गो० ! जहं० अंतोमुहुत्तं उक्कोसेणं तिण्णि राइंदियाइं, अपज्जत्तयबायरतेउकाइयाणं जाव गो० ! जहं० अंतो० उक्कोसेणं अंतो०, पजत्तयबायरतेउकाइयाणं जाव गो० ! जहं० अंतो० उक्कोसेणं तिण्णि राइंदियाइं अंतोमुहुत्तूणाई।
[४] वाउकाइयाणं जाव गो० ! जहं० अंतो० उक्को० तिण्णि वाससहस्साइं । सुहुमवाउकाइयाणं ओहियाणं अपज्जत्तयाणं पजत्तयाण य तिण्ह वि जहं० अंतो० उक्को० अंतोमुहुत्तं । बादरवाउकाइयाणं जाव गो० ! जहं० अंतोमुहुत्तं उक्कोसेणं तिण्णि वाससहस्साइं, अपज्जत्तयबादरवाउकाइयाणं जाव गो० ! जहं० अंतोमुहुत्तं उक्कोसेण वि अंतोमुहुत्तं, पजत्तयबादरवाउकातियाणं जाव गो० ! २० जहं० अंतोमुहुत्तं उक्कोसेणं तिण्णि वाससहस्साइं अंतोमुहुत्तूणाई।
[५] वणस्सइकाइयाणं जाव गो० ! जहं० अंतो० उक्को० दस वाससहस्साई । सुहुमाणं ओहियाणं अपज्जत्तयाणं पजत्तयाण य तिण्ह वि जहं० अंतो० उक्कोसेणं अंतोमुहुत्तं । बादरवणस्सइकाइयाणं भंते ! केवइयं कालं ठिती पन्नत्ता ? गो० ! जहं० अंतो० उक्को० दस वाससहस्साइं, अपजत्तयाणं जाव २५ गो० ! जहन्नेणं अंतोमुहुतं उक्कोसेण वि अंतोमुहुत्तं, पजतयबादरवणस्सइकाइयाणं जाव गो० ! जहं० अंतो० उक्को० दस वाससहस्साइं अंतोमुहुतूणाई ।
Jain Education International
For Private & Personal Use Only
www.jainelibrary.org
