________________
३२१]
उवकमाणुओगदारे दव्वप्पमाणदारं ।
१३३ ३१६. से किं तं विभागनिष्फण्णे ? २ पंचविहे पण्णत्ते । तं जहामाणे १ उम्माणे २ ओमाणे ३ गणिमे ४ पडिमाणे ५।
३१७. से किं तं माणे ? २ दुविहे पण्णत्ते । तं जहा-धन्नमाणप्पमाणे य १ रसमाणप्पमाणे य २।।
३१८. से किं तं धण्णमाणप्पमाणे ? २ दो असतीओ पसती, दो ५ पसतीओ सेतिया, चत्तारि सेतियाओ कुलओ, चत्तारि कुलया पत्थो, चत्तारि पत्थया आढयं, चत्तारि आढयाइं दोणो, सद्धिं आढयाइं जहन्नए कुंभे, असीतिआढयाई मज्झिमए कुंभे, आढयसतं उक्कोसए कुंभे, अट्ठआढयसतिए वाहे ।
३१९. एएणं धण्णमाणप्पमाणेणं किं पओयणं १ एतेणं धण्णमाणप्पमाणेणं मुत्तोली-मुरव-इड्डर-अलिंदै-अपवारिसंसियाणं धण्णाणं धण्णमाणप्पमाणनिवित्ति- १० लक्खणं भवति । से तं धण्णमाणप्पमाणे ।
३२०. से किं तं रसमाणप्पमाणे ? २ धण्णमाणप्पमाणाओ चउभागविवंडिए अभिंतरसिहाजुत्ते रसमाणप्पमाणे" विहिज्जति। तं जहा-चउसट्ठियाँ ४, बत्तीसिया ८, सोलसिया १६, अट्ठभाइया ३२, चउभाइयाँ ६४, अद्धमाणी १२८, माणी २५६ । दो चउसट्ठियाओ बत्तीसिया, दो बत्तीसियाओ सोलसिया, १५ दो सोलसियाओ अट्ठभातिया, दो अट्ठभाइयाओ चउभाइयों, दो चउभाइयाओ अद्धमाणी, दो अद्धमाणीओ माणी ।
३२१. एतेणं रसमाणप्पमाणेणं किं पओयणं? एएणं रसमाणप्पमाणेणं वारग-घडग-करग-किक्किरि-दइय-करोडि-कुंडियसंसियाणं रसाणं रसमाणप्पमाणेनिवित्तिलक्खणं भवइ । से तं रसमाणप्पमाणे। से तं माणे ।
२०
१. विभंग जे० । चूर्णौ विभंगनिप्फण्णे पाठ आइतोऽस्ति ॥ २. धन्नमाणे य रसमाणे य । से किं तं धनमाणे? संवा० ॥३. कुलवो, चत्तारि कुलवा सं० ॥ ४. पत्था आ° संवा० ॥ ५. दोणे सं० संवा०॥ ६. आढगाणि सं० ॥ ७ °द-ओवारि° सं० डे० | °द-उच्चारि जे० ॥ ८. निव्वत्ति सं० संवा० ॥ ९. °विवडीए खं० वा०॥ १०. °णे भवइ-चउस संवा० ॥ ११. या ४ चउपलपमाणा, बत्ती वा०॥ १२. या माणी अद्धमाणी। दो चउ सं०॥ १३. °या, चत्तारि चउभातियाओ माणी। एएणं रस सं० ।। १४. सं० विनाऽन्यत्र-वारगघडग-कलसग-कक्करि-दइय-कुंडिय-करोडिसंसि' वा० संवा० । वारक-घडक-कलसिय-गग्गरिदइय-करोडि-कुंडियसंसि खं०॥ १५. °णनिव्वत्ति सं० संवा०॥ १६. माणप्पमाणे। सं०॥
Jain Education International
For Private & Personal Use Only
www.jainelibrary.org
