________________
७०
५
भणुओगहारेसु
[सु० ५८[३] संगहस्स एगो वा अणेगा वा अणुवउत्तो वा अणुवउत्ता वा दव्वखंधे वा दव्वखंधाणि वा से एगे दव्वखंधे।
[४] उज्जुसुयस्स एगो अणुवउत्तो आगमओ एगे दव्वखंधे, पुहत्तं णेच्छति।
[५] तिण्डं सद्दणयाणं जाणए अणुवउत्ते अवत्थू । कम्हा १ जइ जाणए कहं अणुवउत्ते भवति ? । से तं आगमओ दव्वखंधे।
५८. से किं तं णोआगमतो दव्वखंधे ? २ तिविहे पण्णत्ते। तं जहाजाणगसरीरदव्वखंधे १ भवियसरीरदव्वखंधे २ जाणगसरीरभवियसरीरवइरित्ते दव्वखंधे ३।
५९. से किं तं जाणगसरीरदव्वखंधे ? २ खंधे इ पयत्थाहिगारजाणगस्स जाव खंधे इ पयं आघवियं पण्णवियं परूवियं जाव से तं जाणगसरीरदव्वखंधे ।
६०. से किं तं भवियसरीरदव्वखंधे ? २ जे जीवे जोणिजम्मणनिक्खंते जाव खंधे इ पयं सेकाले सिक्खिस्सइ । जहा को दिटुंतो ? अयं महुकुंभे भविस्सइ, अयं घयकुंभे भविस्सति । से तं भवियसरीरदव्वखंधे।
६१. से किं तं जाणगसरीरभवियसरीरवइरित्ते दव्वखंधे १ २ तिविहे पण्णत्ते। - तं जहा–सचित्ते १ अचित्ते २ मीसए ३।
६२. से किं तं सचित्तदव्वखंधे ? २ अणेगविहे पण्णत्ते । तं जहाहैयखंधे गयखंधे किन्नरखंधे किंपुरिसखंधे महोरंगखंधे उसभखंधे । से तं सचित्तदव्वखंधे।
६३. से किं तं अचित्तदव्वखंधे ? २ अणेगविहे पण्णत्ते । तं जहादुपएसिए खंधे तिपएसिए खंधे जाव दसपएसिए खंधे संखेजपएसिए खंधे असंखेजपएसिए खंधे अणंतपएसिए खंधे । से तं अचित्तदव्वखंधे।
१. अयं घयकुंभे भविस्सइ, अयं महुकुंभे भवि सं० ॥ २. सचित्ते द° संवा० सं० ॥ ३. सं० विनाऽन्यत्र--हयखंधे गयखंधे नरखंधे किंपु' खं० जे० वी० संवा० । हयखंधे नरखंधे किन्नर वा० मु०॥ ४. गखंधे गंधवखंधे उस सं०विना। "क्वचिद् गन्धर्वस्कन्धादीन्यधिकान्यप्यदाहरणानि दृश्यन्ते” इति मलधारिपादैः स्ववृत्तौ निर्दिष्टमस्ति ॥ ५. सचित्ते खंधे । से किं सं० । सचित्ते । से किं संवा०॥६.मचित्ते दसंवा० । अचित्ते खंधे सं०॥७. अचित्ते खंधे सं० संवा०॥
Jain Education International
For Private & Personal Use Only
www.jainelibrary.org
