________________
नंदिसुत्ते संघत्थुई।
[सु०२कम्मरयजलोहविणिग्गयस्स सुयरयणदीहणालस्स। पंचमहव्वयथिरकण्णियस्स गुणकेसरालस्स ॥ ७॥ सावगजणमहुयंरिपरिवुडस्स जिणसूरतेयबुद्धस्स । संघपउमस्स भदं समणगणसहस्सपत्तस्स ॥ ८॥ [जुम्म] तव-संजममयलंछण ! अकिरियराहुमुहदुद्धरिस ! णिचं । जय संघचंद ! णिम्मलसम्मत्तविसुद्धर्जुण्हागा ! ॥ ९ ॥ परतित्थियगहपहणासगस्स तवतेयदित्तलेसस्स । णाणुज्जोयस्स जए भदं दमसंघसूरस्स ॥१०॥ भदं घिईवेलापरिगयस्स सज्झायजोगमगरस्स। अक्खोभस्स भगवओ संघसमुदस्स रुंदस्स ॥११॥ सम्मसणवइरदढरूढगाढावगाढपेढस्स । धम्मवररयणमंडियचामीयरमेहलाँगस्स ॥१२॥ णियमूसियकणयसिलार्यलुजलजलंतचित्तकूडस्स । णंदणवणमणहरसुरभिसीलगंधुंद्धमायस्स ॥१३॥ जीवदयासुंदरकंदरुद्दरियमुणिवरमैइंदइण्णस्स । हेउसयधाउपगलंतरत्तदित्तोसहिगुहस्स ॥१४॥ संवरवरजलपगलियउज्झरपविरायमाणहारस्स। सावगजणपउरवंतमोरणचंतकुहरस्स ॥१५॥ विणयणयपवरमुणिवरफुरंतविज्जुजलंतसिहरस्स । विविहगुणकप्परुक्खगफलभरकुसुमाउलवणस्स ॥१६॥
१. °यरपरि डे० ल० ॥ २. जोण्डागा शु० । जुन्हागा डे० ॥ ३. धीवेला सं० डे० ल० ॥ ४. परिवुडस्स चू० ॥ ५. सणवरवहरदढरूढ डे० शु० ल. मु० । सणओयरहरूढ सं० ॥ ६. °ढपीढ° सं० ॥ ७. लायस्स सं० ॥ ८. यलज शु० ॥ ९. गंधुद्धमा .सर्वसूत्रप्रतिषु । गंधद्धमा हा० ॥ १०. मुणिगणम चू० ॥ ११. मयंदइंधस्स डे० ।
मइंदइंदस्स ल० ॥ १२. °तरयणदित्तो मो० मु० । 'तरित्यदित्तो डे० ॥ १३. विणयमय चू० ॥१४. विविहकुलकप्परुक्खगणयभरकुसुमियकुलवणस्स चू० ॥
Jain Education International
For Private & Personal Use Only
www.jainelibrary.org
