________________
२०
पाईणायरिय विरइया
206. जे ताव संभरिज्जा अइयारा ते तहेव आलोए । जे पुण न संभरिजा ओहेणं ते समालोए ।। २०६॥ 207. जेमे जाणंति जिणा अवराहा जेसु जेसु ठाणेसु । ते हं आलोएउं उवडिओ सव्वभावेणं ॥ २०७॥ 208. छउमत्थो मूढमणो कित्तियमित्तं तुं संभरइ जीवो ।
जं च न सुमरामि अहं मिच्छा मे दुक्कडं तस्स ॥ २०८॥ 209. अरहंतसक्खियं सिद्ध- साहु- देव - ऽप्पसक्खियं तह य । सीमंधर - जुगमंधरसामीणं चेव सक्खीयं ॥ २०९॥ 210. जं संभरामि सम्मं जं च न सुमरे पडिक्कमे तमिह ।
जं च न पडिक्कमामी मिच्छा मे दुक्कडं तस्स ॥ २१० ॥ 211. एवं पहु विडंतो विसुद्धभावपरिणाम संजुत्तो ।
आराहओ उ भणिओ गारव - मायाहिं परिमुक्का ॥ २११ ॥ 212. कयपावो वि मणुस्सो आलोइय निंदिउं गुरुसगासे ।
होइ अइरेगलहुओ ओहरियभरो व्व भारवहो ॥ २१२ ॥ 213. लज्जाए गारवेण य बहुस्सुयमरण वा वि दुच्चरियं ।
जेन कहिंति गुरूणं न हु ते आराहगा भणिया ॥ २१३ ॥ 214. गारवपंकनिबुड्डा • अइयारं जे परस्स न कहिंति । दंसण-नाण-चरित्ते ससल्लमरणं हवइ तेसिं ॥ २१४॥ 215. नवितं सत्थं व विसं व दुप्पउत्तो व कुणइ वेयालो । जंतं व दुप्पउत्तं सप्पो व पमाइओ कुद्धो ॥ २१५ ॥ 216. जं कुणइ भावसलं अणुद्धियं उत्तमकालम्मि | दुल्लहबोहीयत्तं अनंतसंसारियत्तं च ॥ २१६ ॥ 217. तो उद्धरंति गारवरहिया मूलं पुणब्भवलयाणं । मिच्छादंसण सल्लं मायासलं नियाणं च ॥ २१७ ॥
१. नु F. ॥
Jain Education International
For Private & Personal Use Only
www.jainelibrary.org
