________________
अप्पविसोहिकुलयं
2771. अरहंत-सिद्ध-गणहरपमुहाणं अभिमुहो अहं ठाउं ।
अंजलि काऊण सिरे नियदुच्चरियं समालोए ॥१॥ 2772. जं किंचि कयमकजं आउट्टि-पमाय-दप्प-कप्पेणं ।
सुहुमं व बायरं वा तं निंदे तं च गरिहामि ॥२॥ 2773. नाणे जो अइयारो अट्ठपयारो वि कह व मे रइओ।
जाणेण अयाणेण य तं निंदे तं च गरिहामि ॥३॥ 2774. जिणमणियम्मि पयत्थे अवितहरूवम्मि मइपमोहेणं ।
जं सद्दहियं नो मे तं निंदे तं च गरिहामि ॥ ४॥ 2775. मणि लेटु-कंचणेसुं सयणे तह कंचणम्मि रिउवग्गे ।
जं समभावो न कओ तं निंदे तं च गरिहामि ॥५॥ 2776. छविहजीवनिकाए बायर-सुहमम्मि जं कयं किंचि ।
जाणामि न जाणामि य तिविहं तिविहेण तं निंदे ॥ ६॥ 2777. जं जंपियं मुसं मे हास-पओसेणऽयाणमाणेणं ।
सव्वं पि पीडजणयं तिविहं तिविहेण तं निंदे ॥७॥ 2778. जं मे अदत्तयं पि हु परसंतं कह वि लोहमूढेणं । गहियं अलवियं वा तिविहं तिविहेण तं निंदे ॥ ८॥
२५१
Jain Education International
For Private & Personal Use Only
www.jainelibrary.org
